କରୋନା ଭାଇରସ

କ ‐ କଳିଯୁଗ କାଳ ଅବତାର ନେଇ

     ଆସିଅଛି ଧରା ପୃଷ୍ଠେ

  ନାଶି ନେବି ପାପୀ ପାରିବନି ରୋକି

       ସଢୁଥିବ ଛଟପଟେ

      

ରୋ ‐ ରୋକି ନପାରିଲା ଚାଇନା ଯେ ମୋତେ

   ଦେଶୁ ଦେଶ ଯାଏ ବୁଲି

ପାପି ମାନଙ୍କର ରକତରେ ମୁହିଁ

  ଖେଳିବା ପାଇଁ ଯେ ହୋଲି

ନା ‐ ନା ମାତ୍ରକେ ମୋର ମନେ ଆସେ ଭୟ

     ଚିତ୍କାର କରନ୍ତି ଖାଲି

ପାପ କର୍ମ ଛାଡି ସତ୍ କର୍ମ କଲେ

    ଯିବି ମୁହିଁ ଧିରେ ଚାଲି

ଭା ‐ ଭାବିବାକୁ ବେଳ ଟିକିଏ ବି ମଧ୍ୟ

    ଦେବି ନାହିଁ ଆଉ ଜମ୍ମା

ଦେହେ ପଶି ଯାଇ ତୁମରି ମୁହେଁ ଯେ

     ବୁଲାଇବି କଳାକନା

ଇ ‐ ଇମୋସନାଲ୍ ସାଥେ ବ୍ଲାକ୍ ମେଲ୍ ଯେ 

     କରୁଥିବି ଯାଇ ମୁହିଁ

କାଳଯମ ସାଥେ ତୁମକୁ ଯେ ସବୁ

     ଭେଟ କରାଇବି ନେଇ

ର ‐ ରଙ୍ଗ ସବୁ ତୁମ ଛଡେଇବି ଏବେ

     ଭାଙ୍ଗିଦେବି ସବୁ ଦମ୍ଭ 

କ୍ଷଣକ ମଧ୍ୟରେ ଚୂନା କରିଦେବି 

      ସମସ୍ତଙ୍କ ମତ୍ତ ଗର୍ବ

ସ ‐ ସହଜେ ସୁଧୁର ମଣିଷ ସମାଜ

      ବେଳଟା ଗଲାଣି ବଳି

   ଧାନ ସହ ସବୁ ବାଳୁଙ୍ଗାକୁ ମଧ୍ୟ

      ନେଇଯିବି ସାଙ୍ଗେ ତୋଳି