କରୋନା ବାହାଘର

ପଣ୍ତିତ ପଢୁଛି ମନ୍ତ୍ରକୁ ଯନ୍ତ୍ରରେ

 କରୋନା କରୋନି ବିବାହ ଦେଖି

ଠେଙ୍ଗା ଧରି କୋରନି ଫୁଲ ମାଳ ଢାଳେ

  ଫୋଟକୁ ଦେଖି ମୁଁ ଦେଉଛି ଲେଖି

କାଶ ଛିଙ୍କ ଥଣ୍ତା  ଜ୍ୱର ସବୁ ଯିବେ

  ବରଯାତ୍ରୀ ହୋଇ ଶଶୁରଘର

କରୋନା କରୋନି ବିବାହକୁ ଦେଖି

  ଆତ୍ମା ଯେ ଲଭିବ ସରଗପୁର

ମଲାଘର ଭୋଜି ସରକାର ଖଞ୍ଜି 

  ଅଫୁଟା ଅସିଝା ବାଣ୍ଟିବେ ଘରେ

ସରପଞ୍ଚ, ସଭ୍ୟ ବୋଲକରା ହେବେ

  ତାଙ୍କର ଭାଉ କହିଲେ ନ ସରେ

ଚାମଚା ମାରିବେ ଭୋଜନର ମଜା 

  ଲୋକ ଖାଉଥିବେ ଏକାନ୍ତବାସେ

କୋରନା କରୋନି କୋଳାକୋଳି ହେବେ 

   ସୁଖ ସଉଦାର ହନିମୁନ୍ ରସେ