କର୍ମର ଫଳ

କର୍ମର ଫଳ ମିଲେନି ସେମିତି

ଭାଗ୍ୟରେ ବି ତାହା ବନ୍ଧା

ସାଉଁଟି ରଖିବ ଯେତେ ଯତନରେ

ସରିବନି ଜମା ଅଧା

 ଜୀବନେ ଯେତିକି ଧନ ଅରଜିଲେ

 କି ସୁଖ ସେଇ ସ୍ନେହର

 ପାଇବକି ସେଇ ଗାଆଁ ର ପ୍ରେମକୁ

 ଯେତିକି ଥିଲ ନିଜର

ବଡ ଘର ନୁହଁ ସୁଖର ସଂସାର

ବଡ ଗାଡ଼ି ନୁହେଁ ଖୁସି

ହୃଦୟରୁ ଯେବେ ବୋଝ ବିନା ହସ

ବାହାରି ଯିବ ଝଲସି ।

 ଖୁସିର ଠିକଣା ପାଇଯିବ ସେଠି

 ବିନା ଖୋଜି ଆନନ୍ଦରେ

 ସେଇ ଖୁସି ଏକା ଅମୃତ ସମାନ

 ଜାଣି ରଖ ଜୀବନରେ ।

ଛାତ ଘର କିମ୍ଵା ବଡ଼ ଗାଡ଼ି ଟିଏ

ଥାଉ ଯାହାରି ପାଖରେ

ଖରା ଝାଞ୍ଜି ସେଇ ସମୟ ମଧ୍ୟରେ

ଶାନ୍ତି ମିଲେ ଗଛ ତଳେ ।

 ସେଥି ପାଇଁ କେବେ ଜୀବନ ମଝିରେ

 ଗର୍ବ କରନାହିଁ ଜମା

 ହୃଦୟରେ ଯିଏ ଧନୀ ହୋଇଥାଏ

 ନ ଥାଏ ତାହାରି ସୀମା ।