କର୍ମ
କର୍ମ
କର୍ମ ବଡ଼ ଅବା, ଭାଗ୍ୟ ଅଟେ ବଡ଼,
ସଦା ରହିଅଛି ଦ୍ଵନ୍ଦ,
ନିଜେ ବିଚାରିବା, ମତ୍ତି କୁ ମଜ୍ଜାଇ,
ଏ ଦୁଇ ଭିତରେ ଭେଦ।
କର୍ମର ଆବେଗେ ସୃଷ୍ଟି କରିଛନ୍ତି,
ସଭିଙ୍କୁ ବ୍ରହ୍ମାଣ୍ଡ ଅମ୍ବ
କୁମ୍ଭାକାର ଯେହ୍ନେ, ନିତି ପ୍ରତିଦିନ,
ଉତ୍ତାରଇ ନବ କୁମ୍ଭ ।
କରମ ବଳରେ ବିଷ୍ଣୁଦେବ ସିନା
ନେଇଥିଲେ ଦଶ ରୂପ,
ଜନମ ମରଣ ଅନୁଭବ କରି
ବୁଝାଇଲେ ପୂଣ୍ୟ ପାପ।
ଶ୍ମଶାନ ନିବାସୀ ମହାଦେବ ଶିବ,
ଗଳାରେ ନର ର ମୁଣ୍ଡ,
ହାତଯୋଡି ଭିକ୍ଷା ଆଚରଣ କଲେ,
ଗୃହେ, ଗୃହେ ହୋଇ ଦଣ୍ଡ।
ଦିନକର ପ୍ରଭୁ ରବି ସୂର୍ଯ୍ୟଦେବ
ଗଗନେ କରନ୍ତି ଗତି
ସେଥିପାଇଁ ସିନା, ଦୃଶ୍ୟମାନ ହୁଏ,
ଦିବସ ଉତ୍ତାରେ ରାତି ।
କର୍ମ ବଡ଼ ଅଟେ, ଭାଗ୍ୟ ନୁହେଁ ବଡ଼,
କର୍ମଟି ଜୀବନ ଭ୍ରୁଣ,
ସେ ମଞ୍ଜିରୁ ଆମ ଭାଗ୍ୟ ଗଢି ହୁଏ,
ଉଚ୍ଚକର୍ମ କର ପୁଣ।