କୋରନା ଯୋଜନା
କୋରନା ଯୋଜନା
ତ୍ରେତୟା ଦ୍ଵାପରେ ଶ୍ରୀରାମ ଶ୍ରୀକୃଷ୍ଣ
ଧର୍ମ ଯୋଜନାର ଫଳ ।
ରାବଣ କଂସକୁ ନିଧନ କରିଲା
ଉପାଡି ଅଧର୍ମ ମୂଳ ।୧।
କଳିରେ ନବିନ ନରେନ୍ଦ୍ର ଯୋଜନା
ଅନ୍ୟାୟର ପ୍ରୋତ୍ସାହନ ।
ଯୋଜନାର ଫଳ ପିତା କି ମଧୁର
ଚାଖୁଛନ୍ତି ଦେଶେ ଜନ ।୨।
ଯେତିକି ଫଳୁଛି ଯୋଜନାର ଫଳ
ଛିଣ୍ଡେଇ କାଟି ଖାଆନ୍ତି ।
ଜନ୍ମରୁ ମରଣ ସମସ୍ତ ଯୋଜନା
ଫଳକୁ ବାଣ୍ଟି ନିଅନ୍ତି ।୩।
ଭୂତାଣୁ ଯୋଜନା କୋରନା ଚାଷରେ
ଫଳୁଛି ଯାହା ବି ଫଳ ।
ଖାଇଲେ କାହାକୁ ମୁକ୍ତି ମିଳୁଅଛି
କାହାର ପୁରୁଛି କାଳ ।୪।
ପୁରୁଷ ଲୋକର ନିଶ ଦାଢ଼ି ସଙ୍ଗେ
ନାରୀ ଲିପ୍ସଟିକ ମୁହଁ ।
ମାସ୍କ ଯୋଜନାରେ ଲୁଚେଇ ରଖିବା
ଖୋଲା ଥାଉ ପଛେ ଦେହ ।୫।
ପାଦରେ ହାତରେ ଜୋତା ଓ ଗ୍ଲୋବସ
ପିନ୍ଧିବା ଯୋଜନା ନୂଆ ।
ଜୀବାଣୁ ନାଶକ ହାତ ଧୋଇବାକୁ
ସ୍ୱଚ୍ଛତା ଯୋଜନା ଏହା ।୬।
କୋରନା ପରୀକ୍ଷା ନିରୀକ୍ଷା ଯୋଜନା
ସଂକ୍ରମିତ ରୋଗୀ ପାଇଁ ।
ପରୀକ୍ଷା ସାମଗ୍ରୀ ଚୋରାରେ ବିକିରି
ଦେଖିବାକୁ ନାହିଁ କେହି ।୭।
ଭୂତାଣୁ ଯୁଗର ଏକତା ଯୋଜନା
ମେଳାରେ ଲାଗିଛି ତାଲା ।
ଦୂରତା ବଜେଇ କଥା ବାର୍ତ୍ତା ପାଇଁ
ଏକାଠି ଯୋଜନା ଖୋଲା ।୮।
ଗୃହରୁ ଅଫିସ କର୍ମ ଯୋଜନାରେ
କର୍ମଚାରୀ ଏବେ ଘରେ ।
ଗୃହ ଲକ୍ଷ୍ମୀଙ୍କର ଚାପ ଯୋଜନାରେ
ନିଜ କାମ ନିଜେ କରେ ।୯।
ଶିକ୍ଷାଦାନ ଏବେ ଶିକ୍ଷାକ୍ଷେତ୍ରେ ନାହିଁ
କୋଭିଡ କେନ୍ଦ୍ରଟି ସେହି ।
ସଂସାଧିତ୍ର ଦ୍ୱାରା ପ୍ରତ୍ୟକ୍ଷ ଚାଲୁଛି
ଶିକ୍ଷକ ଗୃହରେ ରହି ।୧୦।
ବାହ୍ୟ ଯୋଜନାରେ କଟକଣା ଭାରି
ଦରକାର ବେଳେ ଯିବା ।
ନିୟମକୁ ମାନି ନିଜ କାର୍ଯ୍ୟ ସାରି
ସଅଳ ଘରେ ଫେରିବା ।୧୧।
ସବୁଆଡେ ଏବେ କୋରନା ଭୂତାଣୁ
ଛୁଇଁବା ଯୋଜନା ନେଇ ।
ଥଣ୍ଡା କାଶ ଜ୍ୱର ମାଗଣା ଦେଉଛି
ବୁଲି ବୁଲି ଘରେ ଯାଇ ।୧୨।
କୋରନା ଜାଲରେ ଫସିଗଲେ ଥରେ
ବଞ୍ଚିବା ମୁସ୍କିଲ ଭାରି ।
ପୃଥକ ବାସରେ ଘରେ ବା ବାହାରେ
କେତେବେଳେ ଦେବ ମାରି ।୧୩।
ଛୁଇଁଲେ କୋରନା ପ୍ରେମରେ ଫସିବା
ନିସ୍ତାର ମିଳିବ ନାହିଁ ।
ଅସ୍ପୃଶ୍ୟ ଯୋଜନା ପରିଣାମ କେତେ
କୋରନା ଦେଉଛି କହି ।୧୪।
ଜୀବିକା ଛଡେଇ ଜୀବନ ନେଉଛି
କୋରନା କାହାର ନୁହଁ ।
ସାନିଟାଇଜର ମାଆସ୍କ ସାବୁନ
ଯୋଜନା ସୁବିଧା ନିଅ ।୧୫।
ଜରୁରୀ କାଳୀନ ସେବାସଂସ୍ଥା ପାଇଁ
କୋରନା ଯୋଦ୍ଧା ଯୋଜନା ।
ପୋଲିସ ଶାସନ ସ୍ୱାସ୍ଥ୍ୟ ସେବସଂସ୍ଥା
ସମସ୍ତଙ୍କୁ ଏହା ଜଣା ।୧୬।
ଚବିଶ ସାଆତ ସେବା ପ୍ରଦାନରେ
ରାତିକୁ ମଣନ୍ତି ଦିନ ।
ସେବା ଦେବା ନେବା ସମୟ ଭିତରେ
ହେଉଛନ୍ତି ସଂକ୍ରମଣ ।୧୭।
ଜୀବନ ଯୁଦ୍ଧରେ ପରାଜିତ ହୋଇ
ଗଲାଣି କେତେ ଜୀବନ ।
ତଥାପି ତାଙ୍କର ସେବା କାର୍ଯ୍ୟକ୍ରମ
ଚାଲିଛି ନିରବିଛିନ୍ନ ।୧୮।
ବାମ୍ଫ ପ୍ରଦାୟକ ନୂଆ ସଂସ୍ଥା ଏବେ
ଯୋଜନାର ଅନ୍ତର୍ଭୁକ୍ତ ।
ପ୍ରୋତ୍ସାହନ ରାଶି ଦେବେ ସରକାର
ବାମ୍ଫରେ ପୁରିବ ପେଟ ।୧୯।
କୋରନା ଯୋଜନା ସବୁ ତ ମାଗଣା
ତଥାପି ଲାଗୁଛି ଭୟ ।
ମାଗଣା ଯୋଜନା କେତେ ଭୟଙ୍କର
ଜନତା କରିବେ ତୟ ।୨୦।
ଯାହା କିଛି କ୍ଷତି କରୁଛି କୋରନା
ବ୍ୟସ୍ତ ହୁଅ ନାହିଁ କେହି ।
ଭୂତାଣୁ ଯୁଗରେ ବିଭିନ୍ନ ଯୋଜନା
ଲାଭ ଉଠେଇବା ପାଇଁ ।୨୧।