କନ୍ୟା ରତ୍ନ

💐କନ୍ୟା ଅମୂଲ୍ୟରତ୍ନ💐

**********************

କନ୍ୟା ରତ୍ନ ଅଟେ ଏପରି ରତ୍ନ ସେ

ମୂଲ୍ୟ ତ ତାହାର ନାହିଁ

କୁହ କିଏ ତାର ଦେଇପାର ମୂଲ୍ୟ

ଗୋଟିଏ ଜନ୍ମରେ ରହି ?

ଗଢ଼ି ଅଛି ବିହି ଜତନେ ତାହାକୁ

ନିରବେ ସହିବା ପାଇଁ

ଧର୍ଯ୍ୟ ଆଉ ଲଜ୍ଜା ଆଭୁଷଣ ତା'ର

ବସୁଧା ନାମ ସେ ପାଇ ।

ଜୀବନରେ ଦିଏ ନିସ୍ବାର୍ଥ ପ୍ରେମ ସେ

ରୂପ ତା' ବଦଳୁ ଥାଇ

କେବେ ଝିଅ ହୋଇ ହସାଏ ଖେଳାଏ

କେବେ ସେ ଲଢ଼ିବା ପାଇଁ ।

କେବେ ସ୍ନେହଭରେ, ଶୁଭ ସେ ମନାସେ

ମମତା ନିଗାଡ଼ି ଦେଇ,

ଭଉଣୀ ରୂପ ତା' ଅତି ମନଲୋଭା

ମାଆ ପରି ସ୍ନେହ ଦେଇ ।

ମାର ମମତା ଦେଇ ପାରେ କିଏ

ସବୁ ଦୁଃଖ ନେଇ ଯାଇ,

ଆପଦ ବିପଦେ ଜଗି ରହି ଥାଏ

ନିଜ ସୁଖ ତ୍ୟଗୀ ଦେଇ ।

ଦାୟିତ୍ୱରେ କେବେ କରେ ନାହିଁ ହେଳା

କର୍ମର ଦେବୀଟି ଏହି

ସଂସାର ବନ୍ଧନେ ନାହିଁ ତା'ର ମୁକ୍ତି

କର୍ମକୁ ଆଦରି ନେଇ ।

ହସି ହସି ଦୁଃଖ ପିଇ ଯାଇ ଥାଏ

ସ୍ଵାମୀ ଓ ସନ୍ତାନ ପାଇଁ

ତ୍ୟାଗରେ ତାହାର ତିଷ୍ଠିଛି ଦୁନିଆ

ତଥାପି ଅଲୋଡା କାହିଁ ?

ବୁଝେ ନାହିଁ କେବେ ଦୁନିଆ ତା' ମୂଲ

ଅନମୋଲ ଅଟେ ସେହି

କନ୍ୟା ବିନା କେବେ କଳ୍ପନା କରିଛ

ଜୀବନ ବଞ୍ଚିବା ପାଇଁ ?

ପୁରୁଷ ସମାଜେ ନାରୀ ନ ରହିଲେ

ପୁରୁଷର ସ୍ଥିତି କାହିଁ ?

ପୁଅ ସମ ଝିଅ ପାଇଲେ ଆଦର

ଭ୍ରୁଣ ହତ୍ୟା ହେବ ନାହିଁ ।

କନ୍ୟାକୁ ଆଦର କରି ଆମେ ସର୍ବେ

ନେବା ନାହିଁ ଯଉତୁକ

ଝିଅ ସମ ବୋହୁ ରଖିଲେ ଜତନେ

ଘର ହେବ ଆମ ସ୍ବର୍ଗ ।

କହେ ଏ ଭାରତୀ, ଭଉଣୀ ଭାଇଙ୍କୁ

ଦୋଷ ଥିଲେ କ୍ଷମା ଦେଇ👏

ଯୌତୁକ ରାକ୍ଷସ ହୃଦୟେ ପାଳନା

ଦେବତା ତୁମେ ତ ହୋଇ ।👏

ଭାରତୀ ପ୍ରଭା ପଣ୍ଡା....