କଲମ

କଲମ କହେ ମନର କଥା ସଜାଏ ନିତି ଆଣି,

ରଚୁଥାଏ ସେ କାଗଜ ଦେହେ କେତେ ନୂଆ କାହାଣୀ ା

ଅନୁଭବର କଥା ସେ କହେ, କହେ ବ୍ୟଥା ମନର,

ଦେଖଇ ଆଖି ଯା' ନିତିଦିନ କେତେ ପାପ ପୂଣ୍ୟର ା

ସୁଖ ଦୁଃଖର ଭାବନା ତା'ର ହସ ଲୁହର ଚିଠି,

ହାରିଛି କେତେ ଜିତିଛି କେତେ ଜୀବନ ଯୁଦ୍ଧେ ନିତି ା

ଧରେନା ଅସି, ଶକତି ମସୀ କରାଏ ଥରହର,

ସୁଖାନୁଭୂତି, ସ୍ନେହ ସଂପତ୍ତି ଭାବ ରୋମାଂଚକର ା

ମନର ଯେତେ ରୁଦ୍ଧ ଆବେଗ ସରାଗେ ନେଇ ତୋଳି,

ନିର୍ଝର ସମ ଝରି ସେ ଯାଏ କାଗଜ ଦେହେ ଝଳି ା

ଅନ୍ତରତମ ବାନ୍ଧବୀ ଟି ଏ, 'କଲମ' ମାନିଅଛି,

ତା' ସାଥେ ଥିବି ସାତ ଜନମ ମୋ ସାଥେ ସିଏ ଅଛି ା