ଈଶ୍ବର

ତୁମେ ଯେଉଁଠି ବି ଥାଅ,

ଥାଅ କି ନ ଥାଅ,

ସବୁଠି ଥାଅ କି କେଉଁଠି ବି ନୁହେଁ!

ମୁ ଜାଣେ....,

ପାଏ କି ନ ପାଏ,

ମୋ ବଢାଇବା ହାତ ଛୁଏଁ କି ନ ଛୁଏଁ,

ତୁମେ ଧରା ଦେଉ ଦେଉ ଲୁଚିଯାଅ,

ପୁଣି କେବେ ଛୁଇଁ ଦିଅ ମଥାକୁ ମୋ

ଅଭିମନ୍ତ୍ରିତ ଉଷ୍ମତାରେ..

ତୁମ ମୋହମଗ୍ନ ମହନୀୟତାରେ...

ମୁ କାହିଁକି ଯେ ଅଭିଭୂତା, ବଶୀଭୂତା,

ସ୍ତମିତା ସ୍ବୟଂ ମୋ ଭିତରେ...!

ତୁମେ ଇ ତ ତୁମେ...

ସ୍ପନ୍ଦନ, କମ୍ପନ, ନିବନ୍ଧନ ପ୍ରାଣବାୟୁର...!

ତୁମ ପ୍ରଳୟ ପ୍ରାବଲ୍ୟରେ...

ମୁ କ୍ଷୀଣ, ମୃତ୍ୟୁକାମୀ,

ତୁମ ନୀଳ ନୀଳ ଚାହାଣୀର....

ମୁ ନୀରିହ ହରିଣୀ

ତୁମେ ଦେଖ-ନଦେଖ,

ଦିଅ- ନଦିଅ,

ଅମିୟ ବା ହଳାହଳ...,

ମୋ ହସ୍ତ ପ୍ରସାରିତ,

ହେ ଈଶ୍ବର.... ହେ ଈଶ୍ବର...