କଲମ
କଲମ
1 min
201
ନୀରବ ଭାବରେ ଲେଖିଯାଏ ସବୁ
ପୂର୍ଣ୍ଣତାକୁ ଦିଏ ଢାଳି
ତଥାପି ଥକିନି ଚାଲିବା ବାଟରେ
ଚାଲୁଛି ନିଜକୁ ଜାଳି
ବଳୀୟାନ ସେହି ମୋର ପ୍ରିୟ ବନ୍ଧୁ
ସୃଜନୀ ସବୁର ସାକ୍ଷୀ
ତାହା ମାୟାରେ ସୃଜଇ ସମସ୍ତ
ଥାଏ ମୋର ପାଖା ପାଖି
ଯାହା ସେ କରଇ ଶାଣିତ ମୁନରେ
ଅପୂର୍ବ ତା ରୂପରାଜି
ବାହୁଡି ନେଉଛି ମୋ ସୃଜନୀ ରଥ
ସାରଥିଟେ ସେହି ସାଜି
ଶୃଙ୍ଗାରେ ଭରଇ କାହା ପତ୍ରକୁ ସେ
କାହାକୁ ବିରହେ ଜାଳେ
ହୃଦୟର କଥା ନିଖୁଣ ଭାବରେ
ଲେଖି ପ୍ରୀତିଭାବ ଢାଳେ
ନୁହେଁ ସେ କେବଳ ଲେଖନୀ ଯନ୍ତ୍ରଟେ
ସାଥୀ ମୋର ସେହି ପ୍ରିୟ
ସୁପ୍ତ ଲୁପ୍ତ ଜାତିକୁ ଜାଗ୍ରତ କରାଏ
ନରଖି ମନରେ ଭୟ