କଳଙ୍କ ଧୋଇବ ସବୁ
କଳଙ୍କ ଧୋଇବ ସବୁ
1 min
472
ଆର ବରଷକୁ ହେ କଳା ଠାକୁର
ମୋତେ ତୁମେ ନେବ ପୁରୀ
ପାଖେ କିମ୍ବା ଦୂରେ ରଖିଥିବ ମୋତେ
ଜଣା ହିଁ ତୁମକୁ ହରି ।
ମୋ ଦେହରେ ଭରା ପାପଭାର ଦାଗ
ଲିଭିନାହିଁ ମହାପ୍ରଭୁ
ତୁମରି ଶରଣେ ରଖିଥିବ ମୋତେ
କଳଙ୍କ ଧୋଇବ ସବୁ ।
ମୋତେ ଏ ଧରାକୁ ଆଣିବାର ଇଛା
କରିନି ପୂରଣ ତବ
ପାପ ପଙ୍କିଳରେ ଘାଣ୍ଟି ହୋଇ ମୁଁ ଯେ
ପାଲଟିଛି ବଡ ଶବ ।
ତୁମେ ଦୟାମୟ ସୁଖର କାରଣ
ଶୁଣିଛି ବହୁତ ରୂପେ
ସେଥିପାଇଁ ପ୍ରଭୋ ତୁମଠୁ ଦୂରକୁ
ନେବ ନାହିଁ ମୋତେ ଭବେ ।
କଳଙ୍କିତ ମୋର ମନ ପ୍ରାଣ ତୁମେ
ଧୋଇ ଦେବ ପୁଣ୍ୟ ଜଳେ
ପ୍ରଭୁ ହେ ତୁମର ଦାସ ହୋଇ ମୁଁ ଯେ
ରହିଥିବି କାଳେ କାଳେ ।