କଳିଯୁଗ ପରା ଚାଲିଛି

ଏଠି ଚୋର ବାବାଜୀ ସାଜିଛି

ଏବଂ ସାଧୁ ଟି ଜେଲରେ ସଢୁଛି

ଗୁଣ୍ଡାଲୋକ ଏଠି ଶାସନ କରୁଛି ପୋଲିସ ଯେ ସଲାମ ମାରୁଛି

ଆରେ କଳିଯୁଗ ପରା ଚାଲିଛି

ଆରେ କଳିଯୁଗ ପରା ଚାଲିଛି l

ସ୍କୁଲରେ କି ପାଲା ଲାଗିଛି

କ୍ଲାସରୁମରୁ ସାରଙ୍କ ଘୁଙ୍ଗୁଡି ଶୁଭୁଛି

ବାପା ଭାବେ ପୁଅ ପଢୁଛି

ହେଲେ ପୁଅ ଏଠି ନାଟ କରୁଛି

ଆରେ କଳିଯୁଗ ପରା ଚାଲିଛି

ଆରେ କଳିଯୁଗ ପରା ଚାଲିଛି l

ମନ୍ତ୍ରୀ ଏଠି ଖାଲି ଭାଷଣ ଦେଉଛି

ଭଲଦିନର ଯେ ଆଶା ଦେଖାଉଛି

ଗରିବ ଖୁସିରେ ତାଳି ଯେ ମାରୁଛି

ହେଲେ ତାର ସ୍ବପ୍ନ ସ୍ୱପ୍ନରେ ରହୁଛି

ଆରେ କଳିଯୁଗ ପରା ଚାଲିଛି

ଆରେ କଳିଯୁଗ ପରା ଚାଲିଛି l

ଲମ୍ବାବାଳ ଫେସନ ପୁଅକୁ ଘାରିଛି

ବବକଟ କରି ଝିଅ ଯେ ବୁଲୁଛି

ଛୋଟ ପୋଷାକର ଷ୍ଟାଇଲ ଚାଲୁଛି

ଦେହସାରା ଟାଟୁ କୁଟୁଛି

ଆରେ କଳିଯୁଗ ପରା ଚାଲିଛି

ଆରେ କଳିଯୁଗ ପରା ଚାଲିଛି l

ଦୁଇ ଭାଇଙ୍କ ନିତି ଝଗଡା ହେଉଛି

ଗୋଟିଏ ଘରେ ଦୁଇଟା ଚୁଲି ଜଳୁଛି

ବୁଢ଼ୀମା ଟି ଡହଳ ବିକଳ ହେଉଛି

ବୋହୁଙ୍କ ତେଜ ପୁଅଙ୍କଠୁ ବଳି ଯାଉଛି

ଆରେ କଳିଯୁଗ ପରା ଚାଲିଛି

ଆରେ କଳିଯୁଗ ପରା ଚାଲିଛି l

ଭିତରେ ଅଫିସର ବସିଛି

ବାହାରେ ପିଅନ ଜଗିଛି

ହାଥପାଉଣା ମିଳିଲେ ଯାଇଁ

ଲୋକଙ୍କୁ ଭିତରେ ଛାଡ଼ୁଛି

ଆରେ କଳିଯୁଗ ପରା ଚାଲିଛି

ଆରେ କଳିଯୁଗ ପରା ଚାଲିଛି l