କଳା ଠାକୁର

ଆହେ ନନ୍ଦସୂତ      କାଳିଆ ସାଆନ୍ତ

      କଳାକାହ୍ନୁ ଚକାଡୋଳା

ବିଶାଳ ପୃଥିବୀ      ଅତଳ ବ୍ରହ୍ମାଣ୍ଡେ

    ସର୍ବେ ଜାଣିଛନ୍ତି ତୁମ ଲୀଳା।

ଆହେ ଦାମୋଦର    ହେ ନାଟନାଗର

     ସର୍ବବ୍ୟାପୀ କଳାମାଣିକ

ଗୋପନଗରୀରେ     ଏ ମର୍ତ୍ତ୍ୟପୁରୀରେ

  ଖେଳିଅଛି ତୁମ ଜାଦୁଗରୀ କୁହୁକ।

ଭାଵ ବିନୋଦିଆ     ହେ ନିଳାଞ୍ଚଳିଆ

   ଗ୍ରହଣ କରିବ ମୋ ଭାବକୁ

ତୁମ ଜନ୍ମଦିନେ      କ୍ଷୁଦ୍ର ଏକ ପ୍ରାଣୀ

   ଶୁଭେଚ୍ଛା ଦେଉଛି ତୁମକୁ।

ଆହେ ଗିରିଧର     ହେ ଲବଣି ଚୋର

   ସଂସାରର ଡୋରି ତୋ ହାତେ

ଲୋଭୀ ମଣିଷଟେ   ଶରଣେ ତୋହର

    ବିଭୁକୃପା ଦେବୁ ମୋତେ।