କିଏ ବୁଣିଲା
କିଏ ବୁଣିଲା
ବିତୃଷ୍ଣାର ବିଷମଞ୍ଜି
କିଏ ବୁଣିଲା
ମନେ ଓ ହୃଦୟେ ?
କିଏ ତାକୁ ସଜାଇଲା
ଆତଙ୍କବାଦୀ, ମାଓବାଦୀ,
ନକ୍ସଲବାଦୀ
ସାମାଜିକ ବିଶୃଙ୍ଖଳା,
ରାଜନୈତିକ ବିଶୃଙ୍ଖଳା
ଏ ସବୁର ବିଷାକ୍ତ ପରିବେଶ
କିଏ ସୃଷ୍ଟି କଲା
ବିତୃଷ୍ଣାର ବିଷମଞ୍ଜି
ଏ ଜଗତେ
କିଏ ବୁଣିଲା ?
ଅସମାନତାର ବିଷମଞ୍ଜି
ଜାତି, ଧର୍ମର ବିଷମଞ୍ଜି
ଉଚ୍ଚନୀଚ୍ଚ ଭେଦଭାବର ମଞ୍ଜି
ଯୌତୁକ ପ୍ରଥା,
ଦୁଷ୍କର୍ମକାରୀଙ୍କ
ଦୁଷ୍କର୍ମର ବିଷମଞ୍ଜି
ଏ ସମାଜେ କିଏ ବୁଣିଲା ?
ଗଣତନ୍ତ୍ରର ହତ୍ୟାକାରୀ
ସମାଜବାଦର ଲୁଣ୍ଠନକାରୀ
ସାମ୍ୟବାଦର ଧର୍ଷଣକାରୀ
ଏ ବିଶ୍ଵେ ଅସ୍ଥିରତା ସୃଷ୍ଟିକାରୀ
ଅଶାନ୍ତ ବିଶ୍ଵର
ପରିକଳ୍ପନାକାରୀ ହେବା ପାଇଁ
ଏସବୁର ବିଷମଞ୍ଜି
ଏ ବିଶ୍ଵେ କିଏ ବୁଣିଲା ?
ଲେନିନ୍, ମାର୍କ୍ସ, ଷ୍ଟାର୍ଲିନଙ୍କ
ଚିନ୍ତାଧାରାକୁ
ଭୁଲ ପ୍ରମାଣିତ କରିବାର
ଅପଚେଷ୍ଟା କିଏ କରିଲା
ଏଞ୍ଜେଲ୍ସ, ମାର୍କ୍ସ, ଋଷୋଙ୍କ ତତ୍ତ୍ଵକୁ
ବ୍ୟାଖ୍ୟା ନ କରି
ତାକୁ ଭୁଲ ପ୍ରମାଣିତ କରିବାପାଇଁ
ଅପଚେଷ୍ଟା କରିବାର
ବିଷାକ୍ତ ପରିବେଶ
ସାରା ବିଶ୍ଵେ କେ ସୃଷ୍ଟି କଲା
ହଳହଳା ବିଷର ମଞ୍ଜି
ସାରା ବିଶ୍ଵେ କିଏ ବୁଣିଲା ?
ମାନବ ସଭ୍ୟତାର ବିକାଶ
ସାମ୍ୟବାଦର ପରିପ୍ରକାଶ
ସମାଜବାଦର ପ୍ରକାଶ
ଏସବୁରେ ଅନ୍ତରାୟ
କିଏ ସୃଷ୍ଟି କଲା ?
ଏ ପୁଞ୍ଜିପତି, ଶିଳ୍ପପତି
ଶୋଷଣକାରୀ, ଧର୍ଷଣକାରୀ
ଲୁଣ୍ଠନକାରୀ
ଧର୍ମ ନାଆଁରେ, ଜାତି ନାଆଁରେ
ଲିଙ୍ଗ, ବର୍ଣ୍ଣ ନାଆଁରେ
ସାରା ବିଶ୍ଵକୁ ଭାଗ ଭାଗ କରି
ଏ ସମାଜେ ଓ ବିଶ୍ଵେ
ବିଷାକ୍ତ ମଞ୍ଜିର ବିଷ ବୁଣି
ନିଜକୁ ସଚ୍ଚା ସମାଜସେବୀର
ଆଖ୍ୟା ଦେଇ
ଗଣତନ୍ତ୍ର ଓ ସାମ୍ୟବାଦକୁ
ହତ୍ୟା କରି
ପଚାରୁଛନ୍ତି ସେମାନେ
ଏ ସମାଜେ ଓ ବିଶ୍ଵେ
ବିଭେଦତା, ବିଛିନ୍ନତା,
ଆତଙ୍କବାଦ ଓ ଶ୍ରେଣୀବାଦର
ବିଷମଞ୍ଜି ଏ ସମାଜେ ଓ ବିଶ୍ଵେ
କିଏ ବୁଣିଲା ?