କିଛି ଶେଷ କଥା

କିଛି ଶେଷ କଥା ହୃଦୟେ ସାଇତା 

  ଷ୍ଟୋରୀମିରର ମଞ୍ଚ ପାଇଁ 

ଲେଖକ ଲେଖିକା କବି କବୟିତ୍ରୀ 

ଧନ୍ୟ ହେଲେ ଯା'କୁ ନେଇ ।

ଦଶଗୋଟି ଭାଷା ନିଶୁଳ୍କ ସେବାରେ 

  ସଦା ଵାଣ୍ଟେ ଆନନ୍ଦକୁ 

କୋଣେ ଅନୁକୋଣେ ଭାରତ ଭୂଖଣ୍ଡେ 

  ଛୁଇଁଲାଣି ସେ ଶୀର୍ଷକୁ ।

ବିଭୁଦତ୍ତ ସାର୍ କର୍ମକର୍ତ୍ତାମାନେ 

  ବିନୟ ବଚନ କହି 

ନମ୍ର ନିଵେଦନେ ଶାଳୀନତା ପୂର୍ଣ୍ଣେ 

  ମନକୁ ଦିଅନ୍ତି ମୋହି । 

ବଣମଲ୍ଲୀ ଫୁଟି ସୁବାସ ଵିତରି 

  ଝଡିପଡୁଥିଲା ବନେ 

ଅଲୋଡ଼ା ଅଦେଖା ପଣରେ ତା' ଗୁଣ 

  ଦୃଶ୍ୟ ନୁହେଁ କା' ନୟନେ ।

ଷ୍ଟୋରୀମିରର ର ସଫଳ ପ୍ରୟାସେ 

  ବଣମଲ୍ଲୀ ରାଜରାଣୀ 

ସୃଜନୀ ତାହାର ସମାଜେ ପ୍ରଚାର 

  ନାନା ରଙ୍ଗେ ହୁଏ ଵୁଣି ।

ସାହିତ୍ୟ ସାଗରେ ସାଉଁଟନ୍ତି ମୋତି 

  ଲେଖକ ଲେଖିକା ମାନେ 

ଅସାଧ୍ୟ ଦୁଃସାଧ୍ୟ କଠିନ ବ୍ୟାପାର 

  ଥିଲା ଯେ ପୁରୁଣା ଦିନେ ।

ଯାଇଛି ସେ ଦୁଃଖ ହୋଇ ଯେ ବିମୁଖ 

  ଷ୍ଟୋରୀମିରର ସଂସ୍ଥା ପାଇଁ 

କେତେ କେତେ ନୂଆ ପ୍ରତିଯୋଗିତାର 

  ଆୟୋଜନ ମାନ ହୋଇ ।

ଭାଷା ସାହିତ୍ୟର ସମୃଦ୍ଧି ଦିଗରେ 

  ମହାନ ତା ' ପଦକ୍ଷେପ 

ସମ୍ମିଳିତ ସ୍ବରେ ସୃଜନୀ ସଂସ୍ଥାରେ

  ଜଳୁଛି ସେ ମହାଦୀପ ।

ଉନ୍ନତିର ଦିନେ ଚରମ ଶିଖରେ 

  ପହଞ୍ଚିଯିବ ସାହିତ୍ୟ 

ସୁନାମ ଗୌରବ ସମ୍ମାନ ଅର୍ଜିଵ 

  ଦେଖାଇ ଭାଷା ଲାଳିତ୍ୟ ।

କାଳିଆର କୃପା ଵର୍ଷୁ ଘନଘନ 

  ହେଉ ସଂସ୍ଥା ଅଗ୍ରସର 

 ଲଭି ମହାଦୃତି ଵିଶ୍ଵେ ପାଉ ଖ୍ୟାତି 

  ସେ ଆମ ଷ୍ଟୋରୀମିରର ।