କିଛି ଭୁଲିନି

ତରୁଣ ଅଧରେ ତୁମ ଦର ଫୁଟା ହସ

ଅନୁଭବହୀନ ନବଯୌବନ ପରଶ

କିଛି ମୁଁ ଭୁଲିନି

କିଛି ମୁଁ ଭୁଲିନି

ଅଳତା ମୋ ପାଦେ ଥିଲା ହାତେ ମଞ୍ଜୁଆତି

ଲୁଚି ଅନ୍ଧାରରେ ଆସିଥିଲ ସେହି ରାତି

କିଛି ମୁଁ ଭୁଲିନି

କିଛି ମୁଁ ଭୁଲିନି

ବହି ପରି ପଢିବାର ମୋ ତନୁର ପୃଷ୍ଠା 

ଦୁଇ ହାତେ ଟେକିବାର ଶତ ଅପଚେଷ୍ଟା

କିଛି ମୁଁ ଭୁଲିନି

କିଛି ମୁଁ ଭୁଲିନି

ମିଚି ମିଚି ଅନ୍ଧାରର ଯେତେ ବର୍ଷା ରାତି

ଗୋଡ଼ ଛନ୍ଦା ଛନ୍ଦି ମାଘ ମାସର ପାହାନ୍ତି

କିଛି ମୁଁ ଭୁଲିନି

କିଛି ମୁଁ ଭୁଲିନି

କିଛି କିଛି ତୁମ ପୂର୍ବ ପ୍ରେମିକାର ସ୍ମୃତି

କିଛି ତୁମ ଗୁଣୁ ଗୁଣୁ ସେ ଉଦାସ ଗୀତି

କିଛି ମୁଁ ଭୁଲିନି

କିଛି ମୁଁ ଭୁଲିନି

ଗୋଟିଏ ଥାଳିରେ ଆମ ଭାତ ତୁଣ ବାଣ୍ଟ

ବଳକା ମୋ ସଦା ସଦା ତୁମର ନିଅଣ୍ଟ

କିଛି ମୁଁ ଭୁଲିନି

କିଛି ମୁଁ ଭୁଲିନି

ଏବେ ଚାଲିଗଲ ପସନ୍ଦର ରାସ୍ତା ବାଛି

କଥା ଦେଇ ଭୁଲିଗଲ କଥା ସବୁ କିଛି

(ହେଲେ) କିଛି ମୁଁ ଭୁଲିନି

କିଛି ମୁଁ ଭୁଲିନି