କି ଲାଭ ହେବ
କି ଲାଭ ହେବ
ମୋର ମୋର କହି
ଚାଲିଛୁ ତୁହି
ପଛ ଆଡେ ଦେଖ
ନଥିବେ କେହି।୧।
ଦୁଃଖ କଷ୍ଟ ସହି
ସଞ୍ଚିଛୁ ଯେତେ
ଭାବିଛୁ କି ତୁ
ସେବିବେ ତୋତେ।୨।
ପୁଅ ଝିଅ ନୁହଁ
କେହି କାହାର
ନିତି ଦେଉଥିଲେ
ହେବେ ନିଜର।୩।
ଟିକେ ଉଣା ହେଲେ
ପଡ଼ିଲା ଗଣ୍ଠି
ଅବେଳରେ ଆସି
ଚିପିବେ ତଣ୍ଟି।୪।
ସଞ୍ଚିଛୁ ଯାହା ତୁ
ସନ୍ତାନ ପାଇଁ
ମରି ଗଲେ ତୋତେ
ଛୁଇଁବେ ନାହିଁ।୫।
କଳି କାଳ ପରା
ଅଟେ ଅପାର
ସ୍ୱାର୍ଥ ପାଇଁ ନିଜ
ହୋଇବେ ପର।୬।
ଅନ୍ୟ କଥା କହି
କି ଲାଭ ହେବ
ବିପଦରେ କେହି
ଦେଖା ନ ଦେବ।୭।
ସ୍ୱାର୍ଥର ବନ୍ଧୁ ତ
ସଭିଏଁ ଭାଇ
ସ୍ୱାର୍ଥ ପୁରିଗଲେ
ନ ଥିବେ କେହି।୮।