ଖରା
ଖରା
ଆସିଲାଣି ଖରାମାଡି,
ପିଇବାକୁ ଟୋପେ ପାଣି ମିଳୁନାହିଁ ଲୋକେ ଛାଡୁଛନ୍ତି ରଡି |
ଶୁନ୍ ଶାନ୍ ଦିପହର,
ବାହାରକୁଆଉ ବାହାରି ହେଉନି ସଭିଏଁ ଖୋଜନ୍ତି ଘର |
ପଖାଳ ଦେଖାଏ ଭାଉ,
ଗରମ ଭାତକୁ ଦେଖିଦେଲେ ଲୋକେ କହୁଛନ୍ତି ଥାଉ ଥାଉ |
ପଙ୍ଖା,କୁଲର ଓ ଏ.ସି,
ସବୁ ଜିନିଷକୁ ଆଡେଇ ବଜାର ଭିତରେ ପଶନ୍ତି ଧସି |
ପଇଡ,ଦହି ଓ ଲେମ୍ବୁ,
ପତିଆରା ଏବେ ବଢ଼ିଛି ତାଙ୍କର ସମସ୍ତେ କହନ୍ତି ନେବୁ |
ଘିମିରି ଓ ଶିତୁଳିଆ,
ପିଲାଙ୍କ ହାଲ୍ କୁ ବେହାଲ୍ କଲେଣି ଚନ୍ଦନ ବୋଳୁଛି ମାଆ |
ଚମ୍ପା,ବଉଳ ଓମଲ୍ଲି,
ଖରାକୁ ନକରି ଖାତର ଟିକିଏ ହସୁଛନ୍ତି ଖିଲିଖିଲି |
ତାଳ,ତରଭୁଜ,ଆମ୍ବ,
ହାଉଜାଉ ତାଙ୍କ ବେପାର ଚାଲିଛି କାହାକୁ କିଏସେ ନେବ |
ସୁତା ଲୁଗା ଭାଉ ଭାରି,
ପାଟ,ମଠା ଯେତେ ପେଡିର ଭିତରେ ପଡିଛନ୍ତି ମୁଁହ ମାଡି |
ଗଛ ଛାଇ ଲାଗେ ଭଲ,
ଗଛ ନାହିଁ ଛାଇ କୁଆଡୁ ଆସିବ ଲୋକେ ହେଲେ କଲବଲ |
ରୋଷେଇଟା ଭାରି ଭିଡ,
ଚୁଲିମୁଣ୍ଡେଟିକେ ବସିଗଲେ ଦେହୁ ଗମ୍ ଗମ୍ ବହେଝାଳ |
ନହୁଅନ୍ତା ଯଦିଖରା,
ବର୍ଷା ହୁଅନ୍ତାନି ଖାଦ୍ୟ ମିଳନ୍ତାନି ଉଜୁଡି ଯାଆନ୍ତା ଧରା |
ଗ୍ରୀଷମ ବିଷମ ନୁହେଁ,
ପାଣି ଟାଣି ନେଇ ବରଷାକୁ ପରା ଆମନ୍ତ୍ରଣ କରେ ସିଏ |