ଖରା ଆସିଲା ମାଡି ।
ଖରା ଆସିଲା ମାଡି ।
ଖରା ଆସିଲା ମାଡି ।
ଉଦୁଉଦିଆ ଦ୍ୱିପହରେ,
ଭିଡ ଜମିଲେ ଆମ୍ବ ତୋଟାରେ,
ଶୁଭିଲେ ପିଲା ରଡି,
ଜାଣିବ ତେବେ ବସନ୍ତ ଗଲା
ଖରା ଆସିଲା ମାଡି ।
ନଈନାଳରୁ ପାଣି ଶୁଖିଲେ,
ଗାଆଁ ପୋଖରୀ ମାଛମାରିଲେ
ହୋଇଲେ ସେଠି ମେଳି,
ଜାଣିବ ତେବେ ବସନ୍ତଗଲା
ଖରା ଆସିଲା ମାଡି ।
କଳମୂଳରେ କଳି ଲାଗିଲେ,
ପାଣିପାଇଁକି ଭିଡ ଜମିଲେ,
ବାଲ୍ଟିଗରା ଧାଡି,
ଜାଣିବତେବେ ବସନ୍ତଗଲା
ଖରା ଆସିଲା ମାଡି ।
ଚଇତିବାଆ କମି ଆସିଲେ,
ଝାଞ୍ଜି ପବନ ଜମି ଆସିଲେ,
ହସିଲେ ମଲ୍ଲୀ କଢ଼ି,
ଜାଣିବ ତେବେ ବସନ୍ତ ଗଲା
ଖରା ଆସିଲା ମାଡି ।
ତବତଭାତ ନିରବିଗଲେ,
ପଖାଳଭାତ ଦର ବଢ଼ିଲେ,
ପାରିଲେ ବୋଉ ବଡି,
ଜାଣିବ ତେବେ ବସନ୍ତ ଗଲା
ଖରାଆସିଲା ମାଡି ।
ଚାଆ ପାଣିର ଆଦରକମି,
ଲସି ବେପାର ଉଠିଲେଜମି,
ପଇଡ ଗଲେ ବଢ଼ି
ଜାଣିବତେବେ ବସନ୍ତ ଗଲା
ଖରା ଆସିଲା ମାଡି ।
ଗଛରୁ ତାଳ ହଣା ହୋଇଲେ,
ତଳେପିଲାଙ୍କ ଭିଡ ଜମିଲେ,
ଲାଗିଲେ ସେଠି କଳି,
ଜାଣିବତେବେ ବସନ୍ତ ଗଲା
ଖରାଆସିଲା ମାଡି ।
ରାତିଟାକମି ଦିନ ବଢ଼ିଲା
କାଳବୈଶାଖି ମାଡି ଆସିଲେ,
ଶୁଭିଲେ ଘଡଘଡି,
ଜାଣିବ ତେବେ ବସନ୍ତ ଗଲା
ଖରା ଆସିଲା ମାଡି ।
ପୃଥିବୀକରେ ପରିକ୍ରମଣ,
ଋତୁଚକ୍ରର ପରିବର୍ତ୍ତନ,
ପାଇଁକି ଏହାହୁଏ,
ଛଅଟିଋତୁ ଗୋଟିକପରେ,
ଗୋଟିଏଆସି ଧରା ଉପରେ,
ରାଜୁତି କରିଯାଏ ।