ଖଣ୍ଡଗିରି

 ଖଣ୍ଡଗିରି

• କବିଶ୍ରୀ ପ୍ରଫୁଲ୍ଲ ଚନ୍ଦ୍ର ମିଶ୍ର ମଙ୍ଗଳାଯୋଡି ଖୋର୍ଦ୍ଧା

• ---------- -------------------- ----------

• ଖଣ୍ଡଗିରି ଗିରି ଏକାମ୍ର କାନନ ଦୟା ନଦୀ କୂଳେ କୂଳେ

• ଦିଶଇ ସୁନ୍ଦର ବିଚିତ୍ର ବର୍ଣ୍ଣା ସେ ପରିବ୍ରାଜକ ନେତ୍ରରେ

• ଅମର ଭୂବନ ନନ୍ଦନ କାନନ ସମ ଅପରୂପ ଛବି

• ଦେଖ ଖଣ୍ଡଗିରି ତରୁ,ଲତା ମାଳେ ଆବୋରିବସିଛି ଉର୍ବୀ ।।

•

• ଗିରି ଗୁହା ଗୁମ୍ଫା ହିନ୍ଦୁ,ଜୈନ,ବୁଦ୍ଧ ମିଶ୍ରିତ ପ୍ରସ୍ତର ଲିପି

• ଖାରବେଳ ରାଜ୍ୟ ଅଶୋକ,କନିଷ୍କ ଖୋଦିତ ଅସ୍ପଷ୍ଟ ଛବି

• ପଥର ଛାତି ରେ ଚାରୁ କୁଟିକମ ଇତିହାସ କଥା କହେ

• ମାଧବୀ,ମାଳତୀ, ବଣମଲ୍ଲୀ ଫୁଲ ତୋରଣ ମନକୁ ମୋହେ ।।

•

• ଦେବୀ ବାରଭୂଜା ଜୀବନ୍ତ ପ୍ରତିମା ସେ ଗିରି ଶିଖର କନ୍ଦରେ

• ରତନ ବେଦୀରେ ମହାମାୟା ବିଜେ ଦେଖୁଛି କୃପା ନେତ୍ରରେ

• ମ‌ହାବୀର ଜୈନ ସାଧୁ ସନ୍ଥମେଳେ ସୁଧର୍ମା ସଭା ମଣ୍ଡପେ

• ପବିତ୍ର ଏ ଖଣ୍ଡଗିରି ପରବତ ଧନ୍ୟ ହୋଇଛି ଜଗତେ ।।

•

• ନାନାଜାତି ପକ୍ଷୀ କଳରବେ ମନ୍ଦ୍ର ସଂଗୀତ କଂପନ ଧ୍ଵନି

• ମୁଖରିତ ରୋଳେ ଲାଗେ ସତେ ମଧୁ ସମମ୍ଭାସଣେ ଡାକେ ଗିରି

• ଆସ ହେ ଅତିଥି ପରିବ୍ରାଜକ ହେ ଦେଖ ତବ ପୂର୍ବ ସ୍ମୃତି

• ଉପଳ ଦେହରେ ଅବିକଳ ଚିତ୍ର କେମିତି କଥା କହୁଛି ।।

•

• ସାଧୁ,ସନ୍ଥ, ମୁନି ଏଯେ ତପୋଭୂମୀ କ‌ହେ କେତେ ଲୋକକଥା

• କେତେ କିମ୍ବଦନ୍ତୀ ସମାଧି ଉପରେ ଏ ଐତିହ ଟେକିଛି ମଥା

• ରହିଛି ଅକ୍ଷୁର୍ଣ୍ଣ ରଖିଅଛି ଚିହ୍ନ ଅମୃତମୟ ଏ ଗିରି

• ଧନ୍ୟ ଖଣ୍ଡଗିରି ଏକାମ୍ର କ୍ଷେତ୍ରର ଅମୂଲ୍ୟ ସମ୍ପଦ ଶୀରି ।।,