କେବେ କହିବନି ବାପା ମାଆଙ୍କୁ
କେବେ କହିବନି ବାପା ମାଆଙ୍କୁ
କେବେ କୁହ ନାହିଁ ମୋ ବାପା ମାଆଙ୍କୁ
ରଖିଛି ମୋହରି ଘରେ
ସର୍ବଦା କହିବ ମୁଁ ରହିଅଛି
ମୋ ବାପାମାଙ୍କର ଘରେ ।
କେବେ କହିବନି ମୋବାପା ମାଆଙ୍କୁ
ରଖିଅଛି ମୋ ପାଖରେ
ସର୍ବଦା କହିବ ମୁଁ ରହିଅଛି
ମୋ ବାପାମାଙ୍କ ପାଖରେ ।
କେବେ କହିବନି ମୋ ବାପାମାଙ୍କୁ
ମୁଁ ସବୁବେଳେ ପୋଷୁଛି
ସର୍ବଦା କହିବ ମୁଁ ତାଙ୍କର
ଖାଇ ଖାଇ ବଞ୍ଚି ରହିଛି ।
ଜନମ ଦେଲା ସେ ବଡ଼ ବି କରିଲା
ଦିନରାତି ଗୋଟେ କରି
ଅଭାବ ପୂରଣ କରିଥିଲା ସିଏ
ନିଜର ପେଟକୁ ମାରି ।
ଜୀବନ ଠୁଁ ବଡ଼ ଭାବିଥିଲା ଯିଏ
ତୁମ ଜୀବନକୁ ଗଢିବାପାଇଁ
ଧନ ଦୋୖଲତ ଅବା କୋଠା ବାଡ଼ି
ସବୁ ରଖିଥିଲା ତୁମରିପାଇଁ ।
ତୁମ ଜୀବନଟା ତାଙ୍କ ଅବଦାନ
କୋଠାବାଡି ସବୁ ଅଟେ ତାଙ୍କର
ଏବେ ବଡ଼ ହୋଇ କେମିତି କହୁଛ
ଏ ସବୁଯାକ ଅଟେ ମୋହର ।
ଏସବୁ ସମ୍ପତି ତାଙ୍କରି ଥିଲା
ଆଜି ଅଛି ତୁମପାଖରେ
କେଉଁ ମୁହେଁ ପୁଣି ଗର୍ବରେ କହୁଛ
ବାପା ମାଙ୍କୁ ରଖିଛି ପାଖରେ ।
ବାପା ମାଆ ଯଦି ତୁମର ନଥାନ୍ତେ
ତୁମେ ଥାଆନ୍ତ କି ଏ ସଂସାରେ
ଏଣୁ,
କେବେ କହିବନି ମୋ ବାପା ମାଆଙ୍କୁ
ରଖିଛି ମୁଁ ମୋ ପାଖରେ
ରଖିଅଛି ମୋ ପାଖରେ ।