କବିତା

କବି ନୁହେଁ ମୁଁ, 

ତଥାପି ଲେଖବାକୁ ଚେଷ୍ଟା କରେ 

କେତେକ ଅମେଳ ଶବ୍ଦକୁ ନେଇ

ଗଢ଼ିଦେଖେ ଶବ୍ଦର ମାଳାହାର |

ଭାବୁକ ନୁହେଁ ମୁଁ 

ତଥାପି ଭାବିବାକୁ ଚେଷ୍ଟା କରେ 

ମନର ଆବୁଡୁ ଜାବୁଡ଼ି ଭାବନାକୁ ନେଇ 

ତୋଳିଦେଖେ କଳ୍ପନା ଓ ବାସ୍ତବର

ଅବାସ୍ତବ ବାଲିଘର । 

ଜାଣେନା , ଶବ୍ଦର ପରିଭାଷାକୁ

ତଥାପି ଚେଷ୍ଟା କରିଚାଲିଥାଏ

କାଳେ ଶବ୍ଦ ଭଣ୍ଡାର ର କାଉଁରୀ ସ୍ପର୍ଶରେ 

ତୋଳିହେବ ସୁରମ୍ୟ ସୌଧ ଟିଏ ।

ଶିଳ୍ପୀ ନୁହେଁ ମୁଁ,

ତଥାପି ଚେଷ୍ଟା ଜାରି ରହେ

କାଳେ ନିର୍ମାଣ କରିପାରିବି କି ?

କବିତାର କୋଣାର୍କ ଟିଏ ।।