କବିତା ର ସ୍ପୃହା
କବିତା ର ସ୍ପୃହା
1 min
428
ମୁଁ ରକ୍ତାକ୍ତ କ୍ଷତବିକ୍ଷତ
କଲମ ର ଧାରୁଆ ମୁନ ରୁ
ଧାର ଧାର ଝରୁଥିବା
ସ୍ୟାହି ର ବିଦଗ୍ଧ ଛିଟାରେ l
ମୁଁ ଆତଙ୍କିତ ଭୟଭୀତ
କବିର ଭ୍ରମ ସଂଶୋଧନ ରେ
କଟୁଥିବା ଶବ୍ଦ ର
ତିକ୍ତ ପ୍ରତ୍ୟାଖ୍ୟାନ ରେ l
ମୁଁ ନିଷ୍ପେସିତ ନିର୍ଯ୍ୟାତିତ
ମୋ ପ୍ରିୟତମ ଙ୍କ ର ଦୁଃଖ ଯାତନା ରେ
କବି ର ମନ ମୁଖୀ କବିତା ଲେଖାରେ
ନିଜ ଲେଖା କୁ ଜୀବନ୍ତ ରୂପ ଦେବା ପାଇଁ
ଫାଡ଼ି ଥିବା ଫର୍ଦ୍ଦ ଫର୍ଦ୍ଦ
କାଗଜ ପୃଷ୍ଠା ରେ l
ମୁଁ ସିନା ଆଣେ
ଲେଖକ ଟେ ପାଇଁ ସମ୍ମାନ
କିନ୍ତୁ, ମୁଁ ଯେ ହୁଏ କେତେ ବ୍ୟଥିତ, ବିଦାରିତ
ମୋ ଆଶ୍ରିତ ଙ୍କ ଯନ୍ତ୍ରଣା ଜୁଇ ରେ
ଆତ୍ମା ର ଆହୁତି ରେ ଦାହ ହୁଏ
ପ୍ରତି ମୁହୂର୍ତ୍ତରେ l