ଘର

ସାହାରା ର ଲମ୍ବା ହାତଟିଏ

ଆଶ୍ରୟ ର ଅଭିନବ ରାହା

ଲୁହ, ଲହୁ, ଯନ୍ତ୍ରଣା ର ମୂକ ସାକ୍ଷୀ

ଭରସା ର ଆଉ ଏକ ନାଆଁ l

ଶରୀର ନୁହେଁ ତାର

କେବଳ ଚାରି କାନ୍ଥ,

କବାଟ, ଝରକା କି ଛାତ

ବିଶ୍ଵାସ ର ଶେଷ ବନ୍ଧ ସିଏ

ନିଶ୍ଵାସ ର ଅନ୍ତଃ ସ୍ଵର ଆଃ l

ବାଆ କୁ ବତା ଖଣ୍ଡିଏ

ଖରାକୁ ସେ ଛତା

ଜନମ ଠାରୁ ମରଣ

କହେ କେତେ କଥା l

ଝାଞ୍ଜି ଖରା, ଝଡ଼ ବର୍ଷା

ହାଡ଼ ଭଙ୍ଗା ଶୀତ କବଳରୁ

ସୁରକ୍ଷା ସେ ଦିଏ ସଦା

ଅସୁବିଧା ଆସିବା ଆଗରୁ l

ସରଗ ଠୁଁ ସୁନ୍ଦର ସେ

ପୁଣ୍ୟ ର ପବିତ୍ର ଧାମ

ମମତା ମନ୍ଦିର ଟିଏ

ମର୍ତ୍ତ୍ୟ ରେ ପାରିଜାତ ସମ l

ସୁଖ, ଶାନ୍ତି, ଦୟା, କ୍ଷମା

ସଂସ୍କାର ରେ ଭରା

ମାଟି, ଗୋଡ଼ି, ବାଲି ରେ ତିଆରି

କେବଳ ଗୋଟେ ଘର ନୁହେଁ

ସମ୍ପର୍କ ର ତରୁ ଛାୟା ତଳେ

ପ୍ରେମ ର ଫଲଗୁ ଧାରା