କବିତା-୯୬
କବିତା-୯୬
ଶିଶୁ କବିତା
ବଣ ରାଇଜେ ସଭା ବସିଲା ସିଂହ ତା' ସଭାପତି,
ବାଘ ବସିଲା ଡାହାଣ ପଟେ ବାମ ପାଖରେ ହାତୀ | (ଘୋଷା)
ବିଲୁଆ ଭାଇ ଜୀବଜନ୍ତୁଙ୍କୁ ଡାକି ଆଣିଲା ବଳେ,
ଗଣ୍ଡା ଗୟଳ ଭାଲୁ ବସିଲେ ଯାଇ ଗଛର ମୂଳେ |
କହିଲା ସିଂହ ପଶୁ ସକଳେ ଆମେ ଗୋଟିଏ ଜାତି |
ବଣ ରାଇଜେ ସଭା ବସିଲା ସିଂହ ତା' ସଭାପତି,
ବାଘ ବସିଲା ଡାହାଣ ପଟେ ବାମ ପାଖରେ ହାତୀ | (1)
ମଣିଷ ଆମ ବଇରୀ ସାଜି ଅଜାଡ଼ିଲାଣି ବଣ,
ସବୁଜ ବନ ବଞ୍ଚାଇବାକୁ କରିବା ଆମେ ପଣ |
ଗଛ ବଞ୍ଚେଇ ସହିଦ ହେବା ପତେଇ ଦେବା ଛାତି |(2)
ପଶୁ ସହିତ ମିଶିଲେ ପକ୍ଷୀ ସଭିଏଁ ହେଲେ ଠୁଳ,
ତାଙ୍କ ରାବରେ ବଣ ଜଙ୍ଗଲ ହୋଇଲା ଟଳମଳ |
ମଣିଷ ଯାଇ କହିଲା ଭାଇ ! ତୁମେ ହିଁ ଗଲ ଜିତି |
ବଣ ରାଇଜେ ସଭା ବସିଲା ସିଂହ ତା' ସଭାପତି,
ବାଘ ବସିଲା ଡାହାଣ ପଟେ ବାମ ପାଖରେ ହାତୀ | (3)