କବିତା-୯୫
କବିତା-୯୫
ଆମ ବାଡ଼ିରେ କାକୁଡ଼ି ଫଳେ ଜହ୍ନି କାଙ୍କଡ଼ କଲରା,
କଖାରୁ ଲାଉ ଚାଳରେ ମାଡ଼େ ମଞ୍ଚାରେ ମାଡ଼େ ସଲରା |
(ଘୋଷା)
ଦିନେ ସକାଳୁ କଷି କାକୁଡ଼ି ମୁହଁକୁ ମୋଡ଼ି କହିଲା,
ପିତା କଲରା ଅସୁନ୍ଦରୀଟା ମରଣ କିଆଁ ନୋହିଲା ?
କାଟି ଧୋଇଲେ ଛାଡ଼େନା ପିତା ଅଲାଜୁକୀ ତୁ ଅଜରା |
ଆମ ବାଡ଼ିରେ କାକୁଡ଼ି ଫଳେ ଜହ୍ନି କାଙ୍କଡ଼ କଲରା,
କଖାରୁ ଲାଉ ଚାଳରେ ମାଡ଼େ ମଞ୍ଚାରେ ମାଡ଼େ ସଲରା |(1)
କାକୁଡ଼ି କଥା ଶୁଣି କଲରା କହିଲା ଟେକି ମଥାକୁ,
ପାଟିକୁ ପିତା ଦେହକୁ ହିତ ମନେରଖ ଏ' କଥାକୁ |
ପିତା ଗୁଣରେ ସରି ହେବ କି ଅନ୍ୟ ପରିବା ପସରା |(2)
ଫଳ ନୁହଁ କି ପରିବା ନୁହଁ ଦେଖାଉ କେତେ ଚାତର,
ବଜାର ଯାଇ ଦେଖି ଆସିବୁ ମୋହର କେତେ ଖାତର |
ସଭିଏଁ ନିଜ ଗୁଣରେ ଗୁଣୀ କାହିଁକି କରୁ ଝଗଡ଼ା |
ଆମ ବାଡ଼ିରେ କାକୁଡ଼ି ଫଳେ ଜହ୍ନି କାଙ୍କଡ଼ କଲରା,
କଖାରୁ ଲାଉ ଚାଳରେ ମାଡ଼େ ମଞ୍ଚାରେ ମାଡ଼େ ସଲରା | (3)
(ସଲରା-ଛଞ୍ଚିଣା)