କାର୍ତ୍ତିକେ ପଞ୍ଚକ

ମାସ ମାନଙ୍କରେ ମାସ କାର୍ତ୍ତିକ 

ପଡଇ ସେ ମାସେ ବିଷ୍ଣୁ ପଞ୍ଚକ ॥

ଏ ମାସ ଶୁକ୍ଳ ଏକାଦଶୀ ଦିନ

ଶୟନୁ ଉଠନ୍ତି ଶ୍ରୀନାରାୟଣ ॥

ଏକାଦଶୀଠୁ ପୂର୍ଣ୍ଣମୀ ପର୍ଯ୍ୟନ୍ତ

ବିଷ୍ଣୁ ପଞ୍ଚକ ନାମେ ଅଟେ କ୍ଷାତ ॥

ଏକାଳେ ସକାଳେ କରି ଯେ ସ୍ନାନ

ରାଇ- ଦାମୋଦର କରଇ ଧ୍ୟାନ ॥

ଦୀପ,ଧୂପ,ନୈବେଦ୍ୟ ଆଦି ଦେଇ

ବିଧି ଅନୁସାରେ ପୂଜା ପାଳଇ ॥

ଦିନକୁ ଥରେ ମାତ୍ର ହବିଷାନ୍ନ

ଖାଇ ବିତାଏ ଏହି ପାଞ୍ଚଦିନ ॥

ସାରା ମାସ ପାଳି ମିଳେ ଯେ ପୁଣ୍ୟ

ମିଳେ ତା ପାଳିଲେ ଏ ପାଞ୍ଚଦିନ ॥

ସମସ୍ତ ପାପରୁ ହୁଏ ମୁକତି

ପୁରାଣରେ ରହିଅଛି ଏ ଉକ୍ତି ॥

ଆମ ଓଡିଶାରେ କାର୍ତିକ ବ୍ରତ

ବହନ କରେ ଧର୍ମୀୟ ମହତ୍ତ୍ୱ॥

ହବିଷ ପାଳନ ପାଇଁକି ପୁରୀ

ଶ୍ରୀକ୍ଷେତ୍ରେ ଧାଆଁନ୍ତି ଅନେକ ନାରୀ ॥

କାର୍ତ୍ତିକ ବ୍ରତ କରି ସାମାପନ

ଘରକୁ କରନ୍ତି ପ୍ରତ୍ୟାବର୍ତ୍ତନ ॥