କାର୍ତ୍ତିକ

         

   ଧର୍ମ ମାସ ବୋଲି ପୁରାଣେ ବର୍ଣ୍ଣିତ

        ଏହି ଯେ କାର୍ତ୍ତିକ ମାସ |

   ପୂଜା ଅର୍ଚ୍ଚନାରେ  ସମୟ କଟାନ୍ତି

     ଛାଡି ସର୍ବେ  ପ୍ରାତେ ଆଳସ୍ୟ ||୧||

    ଶିବ ଦରଶନେ ତୁଳସୀ ପୂଜନେ

     ମଜିଯାଏ ଯେ ମନୁଷ୍ୟ |

   ଭାଗବତ କଥା  ଶୁଣୁଥାଏ ନିତି

      ବିଧବା ପାଳନ  କରି ହବିଷ ||୨||

   ନାଗ ନାଗୁଣୀଙ୍କ ପୂଜନ ନିମନ୍ତେ

      ନାଗୁଲି ଚତୁର୍ଥୀ ଖ୍ୟାତ |

   ରୂପା ବା ଚାଉଳେ  ମାଆ ମୂର୍ତ୍ତି କରେ

     ଚକ୍ଷୁ ପାଇଁ କରେ ବ୍ରତ ||୩||

   ଓଡିଆ ଶାଢୀରେ ରାଧାମା’କୁ ସଜାଇ

     ଅଁଳା ଗଛମୂଳେ କରେ ବ୍ରତ

   ଶୁଦ୍ଧ ଶାକାହାରୀ ବ୍ରତଧରି ନାରୀ

    ଧରେ ରାଧାପାଦଦର୍ଶନର ମନ୍ତ୍ର || ୪||

   ଆଷାଢ ଏକାଦଶୀ ଠାରୁ ବାସୁଦେବ ପରା

         କରିଥାନ୍ତି ଦେବଶୟନ |

   କାର୍ତ୍ତିକ ଚତୁର୍ଦ୍ଦଶୀ ଦିନ  ପଲକ ଉଠାଇ

        ଦିଅନ୍ତି ଦିବ୍ୟ ଦର୍ଶନ ||୫||

   ଏକାଦଶୀଠାରୁ ପୂର୍ଣ୍ଣିମା ପର୍ଯ୍ୟନ୍ତ

      ପଞ୍ଚୁକର ଯେ ପାଳନ |

   ନାମ ସଂକୀର୍ତ୍ତନ ଭଜନ କୀର୍ତ୍ତନେ

     ମଜ୍ଜିଯାନ୍ତି ସାଧୁଜନ ||୬||

   ମୀନ ପ୍ରପୀଡିତ ରୋଗରେ ପୀଡିତ

         ବଇଦଙ୍କ ପରାମର୍ଶ |

   ଲକ୍ଷ ଲକ୍ଷ ମୀନ ରକ୍ଷାର ନିମନ୍ତେ

     ବଗ ବି ବର୍ଜନ କରେ ଆମିଷ ||୭||

ଆ କା ମା ବୈ ଗୁଆ ପାନ ଥୋଇ |

  ଗୁଆ ପାନ ତୋର ମାସିକ ଧର୍ମ ମୋର ||

  ଗାଇ ଏଇ ଗୀତ ସାଧବାଣୀ ମାନେ

        ଡଙ୍ଗାରେ ଦୀପ ରଖିଣ |

  ସାଧବ ପୁଅକୁ  ମେଲାଣି ଦିଅନ୍ତି

         କରି ବୋଇତ ବନ୍ଦାଣ ||୮||