କାର୍ତ୍ତିକ ପୂର୍ଣ୍ଣିମା

କାର୍ତ୍ତିକର ଶେଷେ ପାର୍ବତୀନନ୍ଦନ ଆସ ହେ ମୟୂର ଚଢି, 

ପୂର୍ବପୁରୁଷଙ୍କୁ ସାଥିରେ ନେଇଣ ଫେରିଯିବ ସ୍ଵର୍ଗପୁରୀ l

"ଆ କା ମା" କହି ଖୁସିରେ ତ ଆଜି ଭସାନ୍ତି ଡ଼ଙ୍ଗା ପିଲାଏ, 

ପ୍ରାତଃ ସ୍ନାନ ସାରି ଶିବାଳୟ ପୁଣି ଯାଇଥାନ୍ତି କେତେ ଲୋକେ l

କେତେ କେତେ ମୂର୍ତ୍ତି ପୂଜା ପାଉଛନ୍ତି ଭିନ୍ନ ଭିନ୍ନ ମନ୍ଦିରରେ, 

ସଜାଇ ଅଛନ୍ତି ମଣ୍ଡପ ବେଢାକୁ ନାନାରଙ୍ଗ ଆଲୋକରେ l

ଧରମ ମାସର ଶେଷ ପର୍ଯ୍ୟାୟରେ ଧିମା ଶୀତ ସହ ଆସେ ସୁରୁଜ, 

ସାତ ଦିନ ଧରି ଚଉଁରା ମୂଳରେ ପଡୁଥାଏ କେତେ ରଙ୍ଗ ମୁରୁଜ l

ନାନା ରଙ୍ଗୋଲିରେ ମନ୍ଦିର ପ୍ରାଙ୍ଗଣ ସୁନ୍ଦର ଚମକୁ ଥାଏ, 

ଗ୍ରାମ ତରୁଣୀର ମିଳିତ ସାହାଯ୍ୟେ ଏ ସର୍ବ ସମ୍ଭବ ହୁଏ l