କାଳିଆର ଦର୍ଶନ

ଅଭଡ଼ା ଟିକକ ପାଇବା ପାଇଁକି

କେତେଦୂରୁ ମୁଁ ଯେ ଆସିଛି ଧାଇଁ

ଆନନ୍ଦବଜାର ରେ ବସିଲା ପରେ

ସବୁ କଷ୍ଟ ମୋର ଲିଭିଛି ଯାଇଁ l

ଅନ୍ନ ଡାଲି ସହ ବେସର ମହୁର

ଚାଖି ଆତ୍ମା ମୋର ହୁଏଯେ ଶାନ୍ତି

ତା ଟଙ୍କ ତୋରାଣି ତଣ୍ଟିରେ ପଡି

ନାଶ ହୁଏ ମୋର ସମସ୍ତ କ୍ଲାନ୍ତି l

ଲକ୍ଷ୍ମୀ ମନ୍ଦିରରେ ସନ୍ଧ୍ୟା ଆଳତିରେ

ବିଭୋର ହୁଏ ଆଜି ମୋ ମନ

ସେ ଘଣ୍ଟ ଶବ୍ଦରେ ଭଜନ ଗାନରେ

ନାଚି ଉଠେ ସାରା ଧରା ଓ ଗଗନ l

କେତେ ଅପେକ୍ଷାର ଅନ୍ତ ଘଟିଲା

ଶେଷରେ କାଳିଆର ଦେଖା ମିଳିଲା

ନେତ୍ର ମୋର ଯୋଖିଗଲା ତା ନେତ୍ରରେ

ଚିତ୍ତତୃପ୍ତି ମୋର ହୋଇଲା ଶେଷରେ l