କାଳିଆ ସାଆନ୍ତେ ହୋ ....!

କାଳିଆ ସାଆନ୍ତେ ଡାକନ୍ତି ସଭିଏଁ

ଧନୀ, ଦୀନ, ହୀନ ଜନ

ଘୋଷ ଯାତରାରେ ଦେଖନ୍ତେ ତୁମ୍ଭଙ୍କୁ

ଫେଡି ଯେ' ଦୁଇ ନୟନ।।

ହରିବୋଲ ହୁରି ହୁଳୁହୁଳି ଡାକେ

ହରିଥାନ୍ତ ଭକ୍ତ ମନ

ହେ ଚକା ନୟନ କରୁଣା ସାଗର

କପାଳେ ଦେଇ ଚନ୍ଦନ ।।

ମନ କି ବଳୁନି ସୁନା ବେଶ ଲାଗି

ଭକତେ ଆସନ୍ତେ ଧାଇଁ

ତୋ ଟଙ୍କ ତୋରାଣି ଅବଢା ଅଇଁଠା

ତୁଣ୍ଡରେ ଚାଖିବା ପାଇଁ।।

ମହାମାରୀ ଲାଗି ସ୍ତବ୍ଧ ସାରା ବିଶ୍ୱ

ଚାରିଆଡେ ହାହାକାର

ଭୂତାଣୁ ନିମନ୍ତେ ଭକ୍ତ ହେଲେ ଦୂର

ରକ୍ଷା କର ନିରାକାର।।

କରେ ଧରିଥିବା ଚକ୍ର ପେଶି ପ୍ରଭୁ

କର ସମୂଳେ ବିନାଶ

ପତିତ ଉଦ୍ଧାର ପତିତ ପାବନ

ଦେଖିବୁ ସୁନାର ବେଶ।।