କାଳିଆ ପାଇଁ ଦୁଇ ପଦ

ଶ୍ରୀକ୍ଷେତ୍ର ଉପରେ ଘର କରିଅଛୁ

ବସିଛୁ ଯେ ରତ୍ନ ସିଂହାସନେ

ନାହିଁ ମୋର କିଛି ଘର ପରିବାର

ବସିଛି ତୋ ଦାଣ୍ଡ ଦୁଆରେ l

ଭିକ ମାଗେ ବୋଲି ନାହିଁ ମନେ ଦୁଃଖ

ମୁଁ ଯେ ବଡଦାଣ୍ଡର ଭିକାରି

ଏକ ମାତ୍ର ଆଶା ଦବୁନି କେବେ ଲୋ

ମୋତେ ତୋ ମନରୁ ପାସୋରି l

ରତ୍ନ ସିଂହାସନେ ବସିକି ତୁହି ଲୋ

ମୁରୁକି ମୁରୁକି ହସୁ

ଭାଇ ଭଉଣୀ ସହିତ ମିଶିକି

ସମସ୍ତଙ୍କ ଅଙ୍କ କଶୁ ।

ତୋ ପାଖେ ଧନୀ କେ, କିଏ ବା ଗରିବ

ସଭିଙ୍କୁ ଏକଇ ମଣୁ

ଯିଏ ତୋତେ ତା ହୃଦୟେ ଡାକିଲା

ତୁ ତାହାକୁ କେବଳ ଶୁଣୁ ।