କାଳିଆ ଗୋ ତୁମ ପ୍ରେମରେ ପଡିଛି
କାଳିଆ ଗୋ ତୁମ ପ୍ରେମରେ ପଡିଛି
1 min
167
କେତେ ଆଉ ତୁମ ଗୁଣ ଯେ ଗାଇବି
କେତେ ଫୁଲ ହାର ଦେବି
କେତେ କାଳ ତୁମେ ନୀରବେ ରହିବ
ଖାଲି ଆଖିଠାର ଦେଖୁଥିବି l
ତୁମେ କି ଝୁରୁଛ ରାଧାର ପୀରତି
ମୋ ପ୍ରେମରେ ନୁହେଁ ବସ
ଝୁରୁଛ କି ତୁମେ ଗୋପଦାଣ୍ଡ ବାଟ
କଦମ୍ବ ଫୁଲର ବାସ l
ଏତେ ସବୁ ଯଦି ଦରକାର ତୁମ
କୁହ କାନ ପାରେ ଆସି
ମଉନେ କିମ୍ପାଇ ବସିଛ ଦେଉଳେ
ଆଖିଠାରେ ଖାଲି ହସି l
ତୁମେ ତ ନାଟୁଆ ଦୁନିଆ ହାଟରେ
ସରମ ତୁମକୁ ନାହିଁ
ଫେରି ଆସେ ଯେବେ ତୁମରି ଦୁଆରୁ
କଥା ପଦେ କୁହ ନାହିଁ l
ମୁକ ହୋଇ ତୁମେ ରୁହ ନାହିଁ ପ୍ରଭୁ
ମୀରା ରାଧା ମୋତେ କର
ନ ଦିଅ ଗୋ ଆଖି ଠାର
କାଳିଆ ଗୋ ତୁମ ପ୍ରେମରେ ପଡ଼ିଛି
ଧରି ନିଅ ହାତ ମୋର l