କାହାକୁ କହିବି

କାହାକୁ କହିବି ଶୁଣିବ ବା କିଏ

ବେନି ଜନେ ସମ ଦସା

ଶାଶୁ କାଣୀକୁ ନଣନ୍ଦ ବାୟାଣୀ

ଯାଆ ସଜାଉଚି ଖୋଷା।

ଏ ତ ବାଇଚଢେଇ ବସା

ବାଆ କଲେ ବସା ଦୋହଲୁ ଥାଏ

ଛିଡ଼ିଲେ ବୁଡିବ ହଁସା।

ଗହୀର ବିଲରେ ମଇଁଷି

ଧାନ କେରି କେରି ଖାଉଛି

କ୍ଷେତ ଜଗିଅଛି ରାଣ୍ଡିପୁଅ ଅନ୍ତା

ତାର କି ଅବା ଯାଉଚି।

ମାଲିକ ନାହିରେ ତେଲ

ଭାରିଯା ସାଙ୍ଗରେ ଗେଲ

ଘର ବୁଡି ପାଣି ଆଣ୍ଠୁଏ ହେଲାଣି

ଝୁଣ୍ଟିଆ ଅମୂଲ ମୂଲ।

ବାହାଘରେ ବାଇଗଣ

ରୁଆ ହୁଏ ଦେଖ ଅତିଥି ଭୋଜନେ

ରନ୍ଧା ହେବ ତିନି ତୁଣ।

ସବୁ ତ ଓଲଟା ପାଲଟା

ଓଲଟାକୁ ସିଧା କହି ନ ପାରିଲେ

ହେବ ନିଜେ ହଟ ହଟା।

ଗାନ୍ଧୀଙ୍କ ମର୍କଟ ପରି

ଦେଖି ଶୁଣି ସବୁ ନୀରବେ ରହିବ

ମୁଣ୍ଡ ଦେବଟି ଟୁଙ୍ଗାରି।