Hurry up! before its gone. Grab the BESTSELLERS now.
Hurry up! before its gone. Grab the BESTSELLERS now.

baishnaba meher

Children Stories


4  

baishnaba meher

Children Stories


କାଗଜ ଡଙ୍ଗା

କାଗଜ ଡଙ୍ଗା

1 min 77 1 min 77

କାଗଜ ଡ଼ଙ୍ଗା 


ତୁହା କୁ ତୁହା ବରଷା,

ମାରେ ଘଡଘଡି, ଚଡଚଡ଼ି,

ପାଣି ସରସର ଗାଁ ଦାଣ୍ଡ,

ନାଳ ଯାଉଥାଏ ପୁରି । 


ହାତେ ହାତ ଧରି ସାଥେ,

ବରଷାରେ ଭିଜି ଭିଜି,

ପାଦ ତଳ ବତୁରୀ ବତୁରୀ,

କତରା ଯାଏ ଲାଗି । 


ବାପା ମାଆଙ୍କ ଆକଟ ସତ୍ୱେ,

ପଦାକୁ ଯାଏ ପାଦ,

କାଦୁଅରେ ଖସି କେବେ କେବେ,

ଦେହ ହୁଏ ଲଟପଟ । 


ମଝି ଧାରରେ କାଗଜ ଡଙ୍ଗା,

ଧୀରେଧୀରେ ଯାଏ ଭାସି,

ଗୀତ ଗାଇ ଗାଇ ଆମେ,

ହଉଥିଲୁଁ କେତେ ଖୁସି । 


ମନେପଡେ ଆଜି ସେ ଗୀତ...

"ଯାଆରେ ଭାସି ଭାସି ଯାଆ,

ନଉକା ମୋର ଭାସି ଯାଆ ।" 


ଆଉ ନାହିଁ ପୁରୁଣା ଦିନ,

ପାଠ ପଢା ଚାପରେ,

ଛୁଆ ସବୁ ଭୁଲି ଗଲେ,

ପୁରୁଣା ଖେଳ ସତରେ । 


କାହିଁ ସେ ଲୁଚକାଳି ଖେଳ,

କାହିଁ ବାଡି ଡ଼ିଆଁ,

କାହିଁ ସେ କଉଡ଼ି ଖେଳ,

କାହିଁ ସେ ଦୌଡ଼-ଛୁଆଁ । 


ହେ ସମୟ ପୁଣି ଫେରେଇଦେ,

ମୋ ବାଳୁତ କାଳ,

ଥରେ ଯାଇ ଭେଟି ଆସନ୍ତି,

ବାଳ ସାଥି ମେଳ । 



Rate this content
Log in