କାଗଜ ଡ଼ଙ୍ଗା

କାଗଜ ଡ଼ଙ୍ଗା ମୋ ଅତୀତର ସ୍ମୁତି

  ଫେରାଇ ଆଣିବ କିଏ

ଟୁପୁରୁ ଟାପୁର ଝଡି ବରଷାକୁ

  ବିଜୁଳି ଚମକ ଦିଏ ।

 ଅଧା ଛତାତଳେ ଜେଜୀସାଥେ ଥାଏ

 କାଗଜ ଡଙ୍ଗାଟି କରି

ରଫ୍ ଖାତାଟି ଅତି ଆପଣାର

  ଖୁସି ହୋଇ ଦିଏ ଚିରି।

 ଫର୍ଦ୍ଦ ଫର୍ଦ୍ଦ କରି ଶେଷ କରିଦିଏ

   ମନକୁ ନଗଲେ ମୋର 

 ଅତି ଯତନରେ ଗଢିଦେଇପୁଣି

    ପଛେ ମନେ ପଡେ ଡ଼ର ।

ବୋଉର ଗାଳିକୁ ଗୁରୁଜୀ ଙ୍କ ବେତ

   ବାଜିବ ପିଠିରେ କାଳେ

ଖାତା ସରିଗଲା ଅଳି କରି ବସେ

   ଛାତିରେ ଛନକା ଖେଳେ।

 ଆଜି ସେ ଛନକା ନିଆରା ଲାଗୁଛି

ବରଷି ବରଷେ ବାରୀ    

କାଗଜଡ଼ଙ୍ଗା ମୋ ସ୍ମୃତି ରୂପାଜହ୍ନ

   ମନେମନେ ହସେ ଭାରି ।