କାଦ ମୁଣ୍ଡା

କାଦ ମୁଣ୍ଡା ଟେକି ବାନ୍ଦିଲି ଘାଇ

ପାନି ଛାଡ଼ିଦେଲି ଟିକିରା ଭୂଇଁ

ହେଲେ ମିସା କାଦ ନାଈଁ

କିଆରୀ ଭିତର କାଦ ଲୁଦୁ ବୁଦୁ

ଉପର ଶୁଖିଲା ଭୂଇଁ ll

ପଲା ଘାରି ଫଡା ଫଡା

ଦୁଇ ଘାରି ମଝି କାପିନି ଝରା

ଝିକି ଝାକି ସପା କରା ll

ଦୁଇ ହାତେ ଦୁଇ ମୁଟାକେ ଧରା

ମୁଟା ମାରି ମୁଟା ଯୋଡ଼ା

ନୁକୁ କରି ଧଇ ସପା କରିରେଲେ

ରୋପୀ ନେବାସ ଯୋଡ଼ା ଯୋଡ଼ା ll

କୁପୁଲି ତଲର ଭୂଇଁ ସୁନ୍ଦର

ଯୋଡ଼ା କୁପୁଲିକେ ପାନୀର ଧାର

ଧାନ ବୁଟା କେରା କେରା

ନୁକୁ କରି ଧାନ ରୋପୀ ଦେଲେସିନା

ସୁନ୍ଦର ହେସି ମୁଣ୍ଡା ଘେରା ll

ନିଜା କେଲା କରି ମାରିଲେ ସାର

ପିଲିକା ଦେଶି କାଇ ବୁଟା ଜବର

ଠିଆ ଠିଆ ଦିଆ ମାରି

ନୁକୁ କରି ବାବୁ ପାନି ବାନ୍ଦି ରା

କକଡ଼ା ବିଲେ କାଦ ଭରି ll

ଆସିବା ଶୀତ କେ ପାଚସି ଧାନ

ବେଡା ମୁଣ୍ଡାଇ ବସି ଆନନ୍ଦ ମନ

ଧାନ ମିଣ୍ଡlନିର ଦିନ

ନୁକୁ କରି ଧାନ ଉଡାଇ ଭରିଲେ

ଦୁଇ ହାତେ ଧର୍ବlସ ଧନ ll