ଲାଇବ୍ରେରୀ
ପ୍ରୋଫାଇଲ୍
ଜୟ ମାଗୋ ଶୈଳପୁତ୍ରୀ
ଜୟ ମାଗୋ ଶୈଳପୁତ୍ରୀ
1 min
373
ନଈପଠା ଝୁମେ କାଶତଣ୍ତି ଫୁଲେ
ଶୀତଳ ପବନ ଚୁମି
ତୁମ ଆଗମନେ ପଲ୍ଲୀ ଠାରୁ ଦିଲ୍ଲୀ
ଭକତିରେ ଯାଏ ଝୁମି ।
ନବରାତ୍ରେ ମାଗୋ ନଅ ରୂପ ଧରି
ମରତେ ଆସିବ ବୁଲି
ସୁଖ ଶାନ୍ତି ଦେଇ ସଂସାରକୁ ତୁମ
ଦୁଃଖ ଶୋକ ଦେବ ଜାଳି ।
ନବରାତ୍ରୀର ଏ ପ୍ରଥମ ସରୁପ
ନାମ ତୁମ ଶୈଳପୁତ୍ରୀ
ବୃଷବ ବାହିନୀ ତ୍ରୀଶୁଳ ଧାରିଣୀ
ଘେନ ବାରେ ମା' ପ୍ରଣତୀ ।
ନବରାତ୍ରୀର ଏ ପ୍ରଥମ ଦିବସେ
ଉଭା ହୁଅ ପୂଜା ସ୍ଥାନେ
କୃପାମୟୀ ରୂପେ ଦିଅ ଦରଶନ
ଧନ୍ଯ ହେବୁ ମାଗୋ ଆମେ ।
