ଜୟ ମାଗୋ ଚନ୍ଦ୍ରଘଣ୍ଟା

ତୃତୀୟ ଦିବସେ   ଚନ୍ଦ୍ରଘଣ୍ଟା ରୂପେ

     ଆସ ମାଗୋ ଅବତରୀ

ବ୍ଯାଘ୍ର ବାହନରେ ସୁସଜ୍ଜିତ ହୋଇ

     ଅଷ୍ଟଭୂଜା ରୂପ ଧରି ।

ଗଳାରେ ଶୋଭିତ ଦିବ୍ଯ ପୁଷ୍ପହାର

    ଚଢି ମା ବ୍ଯାଘ୍ର ସବାରୀ

ଧନୁ ଗଦା ପଦ୍ମ ଖଣ୍ତା ଓ ତ୍ରୀଶୁଳ

    ହସ୍ତେ କମଣ୍ତଳୁ ଧରି ।

ଦୁଷ୍ଟଙ୍କୁ ବିନାଶୀ   ସନ୍ଥ କର ରକ୍ଷା

    ମାଗୋ ତୁମେ ଚନ୍ଦ୍ରଘଣ୍ଟା

ତୁମ କବଳରୁ     ଦୁଷ୍ଟ ନିଶାଚର

     ପାଆନ୍ତିନି କେହି ରକ୍ଷା ।

ଅଧମ ସନ୍ତାନ   କରେ ସ୍ତୁତି ଗାନ

    ନଧରିବ ଦୋଷା ଦୋଷ

କୃପା ନେତ୍ରେ ଚାହିଁ ମାଗୋ ମହାମାୟୀ

     ଢାଳି ଦିଅ ଶୁଭାଶିଷ ।