ଜୟ ଜଗନ୍ନାଥ।

ଶ୍ରୀବତ୍ସ ବ୍ରାହ୍ମଣ ନୁହେଁ ମୁଁ କାଳିଆ

ଦେଇନାହିଁ ରେ ଗୋଇଠା,

ତ୍ରେତୟା ଶବରୀ ନୁହେଁ ପୁଣି ମୁହିଁ

ଖୁଆଇ ନାହିଁ ଅଇଁଠା।।

ଭକତ ବିଦୁର ଅବା ସାଲବେଗ

କର ବା ନ'କର ନାହା,

ବିସର ମହାନ୍ତି କଳି କାଳେ ମୋତେ

କରିଦିଅ ଚଉବାହା।।

ତାରିଲେ ତାରିବୁ, ମାରିଲେ ମାରିବୁ

ତୋ ଛଡ଼ା ନାହିଁରେ କିଏ,

ପତିତପାବନ ନାଁ କୁ କଳଙ୍କ

କରନି ଶ୍ରୀକ୍ଷେତ୍ର ରାୟେ।।

ଶ୍ରୀପଦେ ଗୁହାରି କରୁଅଛୁ ହରି

ଦିନଜନେ ଦୟା ଥାଉ,

କୋଟିଏ ପତିତ କଣ୍ଠୁ ଭାସିଆସୁ

ଜୟ ଜୟ ମହାବାହୁ।।

ଜୟ ଜଗନ୍ନାଥ।