ଜୟ ଏକଦନ୍ତ
ଜୟ ଏକଦନ୍ତ
ଜୟ ଏକଦନ୍ତ ଜୟ ଗୁଣବନ୍ତ
ଅଗ୍ରପୁଜ୍ୟ ବିଘ୍ନବିନାଶକ
ଜୟ ଲମ୍ବୋଦର ଜୟ ବିଘ୍ନେଶ୍ବର
ହେ ବିଦ୍ୟାଦାତା ଗଣନାୟକ
କାହିଁ ଏକା ଏକା ଦୁଃଖେ ବସିଅଛ
ତୁମ ମୂଷିକ ହେଲାଣି ବ୍ୟସ୍ତ
ମୋବାଇଲ ମାୟା ସବୁ ଏଠି ବାୟା
ଏ ନିଶାଟା ବଡ ଜବର୍ଦସ୍ତ୍
ଭକତ ବହୁତ ଭକତି ଅଳପ
ସମୟର ହିଁ ଭାରି ଅଭାବ
କ୍ୟାସେଟ ଭଜନେ ଡିସିକୋ ଗର୍ଜନେ
କିଏ ଏଠି ଲଗାଇବ ଭାବ
ବିକୃତ କରନ୍ତି ରୁପକୁ ତୁମର
କରି ସାଜ ସଜା ଭିନ୍ନ ଭିନ୍ନ
କୁଶିକ୍ଷା ପ୍ରଭାବେ ମଣିଷ ଅଜ୍ଞାନ
କରେ ତୁମର ଅସନମାନ
କିମିତି ସହୁଛ ଏମିତି ସଂସ୍କାର
କର ପ୍ରଭୁ ଅବଗୁଣ ଦୁର
ଶୁଣ ନିବେଦନ ଆହେ ଗଜାନନ
ଟିକେ ଜ୍ଞାନର ବରଷା କର
ତୁମେ ହିଁ ପାରିବ ସୁଧାରି ଆମକୁ
ଦେଖାଅ ପ୍ରଭୁ ତୁମ ପ୍ରକୋପ
ଫେରି ଆସୁ ଅମ ଶାଶ୍ବତ ସଂସ୍କୃତି
ଜଳି ଉଠୁ ବୁଦ୍ଧିର ଆଲୋକ