ଜପୁଛିରେ ତୋର ନାମ
ଜପୁଛିରେ ତୋର ନାମ
ଜପୁଛିରେ ତୋର ନାମ
ହେ ଚକାନୟନ
ଜପି ଜପି ତୋର ନାମ
ମୋର ଯାଉ ଏ ଜୀବନ
ହେ ନନ୍ଦ ନନ୍ଦନ
ମାଧବ ମଧୁସୂଦନ
ମୋର ଏ ଅଧିର ମନ
ମୋ ଅବୁଝା ପ୍ରାଣ
ହେ ଚକାନୟନ
କହିବୁକି ମୋର ପାଇଁ
ଶ୍ରୀକ୍ଷେତ୍ର କୁ ଯିବି ଯାଇ
ତୋ ମନ୍ଦିରେ ଦେଖୁଥିବି
ତୋ ରୂପକୁ ଚାହିଁ ଚାହିଁ
ତୋର ସେ କଳା ବଦନ
ଦେଖିବାକୁ ଭାଳେ ମନ
ଯିବି ବୋଲି ଭାବେ ସତେ
ବଡଦାଣ୍ଡ ପଥେ ପଥେ
ପରାଣ ଦେଇଛି ତୋତେ
ରହିଥିବି ତୋର ସାଥେ ।
ହେ ମୋର ଚକା ନୟନ
ହେ ମୋର କଳା ରତନ
ମୋର ଅଧିର ମନ
ମୋର ଅବୁଝା ପ୍ରାଣ
ଜୀବନର ହାନିଲାଭ
ନାହିଁ ଆଉ ମୋର ହାତେ
ସମର୍ପଣ ତୋତେ ଯେଣୁ
ନୁହେଁ ମୁଁ ତ ମୋର ମତେ
ପ୍ରଶାନ୍ତ କୁମାର ହୋତା