ଜନ୍ମଦିନ

ଜନ୍ମଦିନ

ସତରେ ଭାରି ଭଲ ଲାଗେ

ମୋତେ ଆଜିର ଏହି ଦିନ

ମାଆ କୁହନ୍ତି ଆଜି ବହୁତ ଖାସ ଦିନ

କାରଣ ଆଜି ମୋ ଝିଅର ଜନ୍ମଦିନ ।

ବର୍ଷର ଏହି ଗୋଟେ ଦିନ 

କୁଆଡେ ମୋର ଦିନ

କେବଳ ମୋର ହିଁ

ସବୁ ମୋ ପସନ୍ଦ ହୁଏ ସେ ଦିନ

ସତରେ ଭାରି ଭଲ ଲାଗେ 

ମୋତେ ମୋର ଏହି ଜନ୍ମଦିନ 

ବର୍ଷ ଆରମ୍ଭରୁ ମୁଁ ଗଣୁ ଥାଏ ଦିନ

କେବେ ଆସିବ ମୋ ଜନ୍ମଦିନ ।

ବାପା ଆଣିଦିଅନ୍ତି ମୋ ପାଇଁ ନୂଆଁ ଜାମା

ମାଆ ରାନ୍ଧିଦିଅନ୍ତି ମୋ ପସନ୍ଦ ଖାଇବା

ଆଉ ଜେଜେମାଆ ଦିଏ ଢେର ଭଲ ପାଇବା

ଆଉ ଭାଇ ଆଣିଦିଏ ସୁନ୍ଦର ଖେଳନା ।

ବହୁତ ଖୁସିରେ କଟିଯାଏ ଦିନ

ସାଙ୍ଗ ସାଥି ଗହଣରେ ଥାଏ ମନ

ମନେ ମନେ ବହୁତ ଖୁସି ହୁଏ

ପୁଣି କେବେ ଆସିବ ମୋର ଜନ୍ମଦିନ ।

ଆଜି ସେ ସବୁ ସ୍ୱପ୍ନ

ଆଜି ବି ଆସେ ମୋର ସେହି ଦିନ

କିନ୍ତୁ କାହାର ନଥାଏ ମନ

ମୁଁ ପରା କୁଆଡେ ଏବେ ବୋହୁ ।

ମନେ ମନେ ବହୁତ ଖୋଜେ

ଅତୀତର ସେହି ମୋର ଜନ୍ମଦିନ

ଆଜି ସବୁ କିଛି ବଦଳି ଯାଇଛି

କଣ ଆଉ ଫେରିବନି ସେହି ଦିନ ।

କାହିଁକି ସବୁ ବଦଳି ଗଲା

ଭାବିଲେ ମନ ହୁଏ କଲବଲ

ସତରେ ଭାରି ମନେ ପଡେ 

ଅତୀତର ସେହି ଜନ୍ମଦିନ ।