ଜନ୍ମଦିନ

ଆଜି ମୋ ଜନମ ଦିନ

ଆଜି ମୋ ଖୁସିର ଦିନ

ସାଙ୍ଗସାଥୀ ମୋ ଆସିବେ

ଉପହାର ଆଣି ଦେବେ

ଖୁସିରେ ବିଭୋର ମୋର

    ଅମାନିଆ ମନ।

    ଆଜି ମୋ ଜନମ,

ମାଆ କହୁଥିଲା ଦିନେ

ଜନମ ହେବାର କ୍ଷଣେ

କାନ୍ଦୁଥିଲି ରାହା ନେଇ

କୁଆଁ କୁଆଁ ରାବ ଦେଇ

ମାଆ ମୋର ହସୁଥିଲା

     ଶୁଣି ମୋ କ୍ରନ୍ଦନ ।

     ଆଜି ମୋ ଜନମ,

ଆସିଲେ ଜନମ ଦିନ

ମାଆ ମୋ ହୁଏ ଉଚ୍ଛନ୍ନ

ପିଠା ପଣା ଭୋଜି ଭାତ

ତିଆରିରେ ହୁଏ ରତ

ବାପାଙ୍କୁ ସେ କହିଥାଏ

  &nbs

Advertisement

p;  ବଢୁଛି ମୋ ଧନ ।

     ଆଜି ମୋ ଜନମ,

ବାପା ଗମ୍ଭୀରେ ହସନ୍ତି

ଫେଡାଣ ସ°ଖ୍ୟା କହନ୍ତି

ପୁଅ ଆମ ବଢୁ ନାହିଁ

ଦିନୁ ଦିନ ଛିଡେ ସେହି

ଶୁଣି ଅବୁଝା ହୁଅଇ

   ମୋ ଚଗଲା ମନ ।

    ଆଜି ମୋ ଜନମ,

ଜନ୍ମ ଥିଲେ ମୃତ୍ୟୁ ଆସେ

ଶୁଣିଥିଲି ଗୁରୁ ପାଶେ

ଆସିଛୁ ଯେଉଁଠୁ ତୁହି

ଫେରିଯିବୁ ପୁଣି ତହିଁ

ଜାଣି ଅଜଣାରେ ଛନ୍ଦେ

    ଏ ମାୟା ବନ୍ଧନ ।

    ଆଜି ମୋ ଜନମ, ।