ଜନ୍ମଦିନ

ସଭିଏଁ ପାଳନ୍ତି ତୁମ ଜନ୍ମଦିନ

ବିଜୁଳି କନ୍ୟାକୁ ଭୂଲି ।

ପାଗଳ ହୁଅନ୍ତି ଦେଖିବାପାଇଁ କି 

ଟିକେ ତୁମ ମୁହଁ ଲାଲି ।

ତୁମ ପୂଜାର୍ଚ୍ଚନା କରୁଛି ଜଗତ

ଅଷ୍ଟମୀ ତିଥିରେ ଆଜି ।

ମା ଯେ ଧରାରେ ଅବତରିଥିଲେ

କଂସ ମୃତ୍ୟୁ ଦୂତ ସାଜି ।

ବର୍ଷଣ ମୁଖର ସେ ରାତି ସତେକି

ନୁଆଇଁ ଥିଲା ତା ମଥା ।

ଶକ୍ତୀସ୍ୱରୁପିଣୀ ଜଗତ ଜନନୀ

ଗଲେ କଂସ ହାତୁ ଯଥା ।

ଗୋପ ନଗରରେ କଳାକାହ୍ନୁ ଯେବେ

ଆରମ୍ଭିବେ ଗୋପଲୀଳା ।

ଆକାଶ ପାତାଳ ଆଉ ସ୍ୱର୍ଗ ପୁର

ଲୋକେ ହୋଇବେ ବାଉଳା ।

ଅସତ୍ୟ କଟିବ ପାପ ହଟିଯିବ

ସତ୍ୟର ବିଜୟ ବାନା ।

ଉଡ଼ାଇବ ନିଶ୍ଚେ ଅବତାର ନେଇ

ଗୋପର କାଳିଆ କାହ୍ନା ।