ଜନ୍ମଭୂମି ହେବ ସରଗପୁର

ଏକ ରେ ଏକ ମିଶିଲେ ଦୁଈ

ଏଇ ମୋ ଜନମଭୂଇଁ

ତା ପାଇଁ ଭଲ କାମ କରିବି

ଶପଥ ନେଉଛି ମୁଇଁ ।

ଦୁଇ ରେ ଦୁଇ ମିଶିଲେ ଚାରି

ନାହିଁ ଆନ ମୋ ଦେଶ ପରି

ଜାତି,ଧର୍ମ,ବର୍ଣ୍ଣ ସବୁ ସମାନ 

କିଏ ହେବ କୁହ ତାର ସରି ॥

ସିଏ ଅଟେ ମୋ ଭାରତ ମାତା

ପାଦ ଧୁଏ ଯା'ର ଗଙ୍ଗା ନିତି

ଶପଥ ନେବାରେ ସଭିଏଁ ଆସ

କରିବାନି ଅନ୍ୟାୟ ଅନୀତି ॥

ଆସରେ ଆସ ଭଉଣୀ ଭାଇ 

କରିବା ମିଳିମିଶି ତାର ଜୟଗାନ

ସାହି ରୁ ସହର ସହରରୁ ଦେଶ

ସବୁଠି ରଖିବା ତାର ସମ୍ମାନ ॥

ତିନିରେ ତିନି ମିଶିଗଲେ ଛଅ

ତିନିରଙ୍ଗିଆ ପତାକା ଦେଖ

ମଝିରେ ରହିଛି ଅଶୋକ ଚକ୍ର

ଶିଖାଏ ନ ଦିଅ କାହାକୁ ଦୁଃଖ ॥

ଚାରି ରେ ଚାରି ମିଶିଲେ ହୁଏ ଆଠ

ସଂସ୍କୄତି ପରମ୍ପରା ର ଚୀର ପଢିବା ପାଠ

ଆସରେ ଆସ ଭଉଣୀ ଭାଇ ଯେତେ

ଶିଖିବା ତା ଠାରୁ ସୁଗୁଣ ନ କରି ଆଉ ମଠ ॥

ପାଞ୍ଚ ରେ ପାଞ୍ଚ ମିଶିଲେ ହୋଇଥାଏ ଦଶ

ସବୁଠୁ ଶ୍ରେଷ୍ଠ ଅଟଇ ଜାଣ ଆମଭାରତ ଦେଶ

ଗର୍ବ ଅହଂକାର ଆଜ ବଳି ଦେବାରେ ଆସ

ରଖିବାରେ ଆମ ଭାରତ ମାତାର ଯଶ ॥

ଦାରିଦ୍ର୍ୟତା ଆଉ ଆତଙ୍କବାଦ ହଟାଇଦେବା

ବାଲ୍ୟବିବାହ ସାଙ୍ଗେ ଅଳିଆ ହଟାଇବା ହେ ଆସ

ଦୁଷ୍କର୍ମୀଙ୍କୁ ଦଣ୍ତ ଦେଈ ନୂଆ ଭାରତ ଗଢିବା

ହାତରେ ହାତ ମିଶାଇ ଆଜି ପ୍ରତିଜ୍ଞା ନେବା ଆସ ॥

ସବୁରି ମୁହଁରୁ ଲୂହ ପୋଛି ଚେନାଏ ହସ ଦେବା

ସଭିଏଁ ଆମର ଭାଇଭଉଣୀ ଗରବେ ଆମେ କହିବା 

ରୋଗ ନିଷ୍ଠୁରତା ଦୂରରେ ରଖି ରାଷ୍ଟ୍ରଦିବସ ପାଳିବା

ସାହିରୁ ସହର ପିଲାରୁ ବୁଢା ଏକାଠି ହୋଇ

ଜନଗଣ ମନ ଗାଉଥିବା ॥

ବୀରସହିଦଙ୍କୁ ସ୍ମରଣ କରି ସ୍ବଛ୍ଥ ଭାରତ ଗଢିବା

ଆମରି ପିଲାଙ୍କୁ ଦେଶ ପାଇଁ କିଛି କରିବା ପଣ କରିବା

ତ୍ରିରଙ୍ଗା ପତାକା ତଳେ ରହି ଆମେ ସର୍ବେ

ମାଆର ପାଦ ଛୁଇଁବା

ମାଆର ଆଖିରେ ଲୂହ ନ ଦେବାକୁ ନିତି ନଜର ରଖିବା ॥