ଜଳକ୍ରୀଡ଼ା ଏକାଦଶୀ- ଏକ ପରମ୍ପରା

 

ବାର ମାସର ସେ ତେର ପରବ ଲୋ

               କି ପର୍ବ କହିବି ତୋତେ 

ଜଗନ୍ନାଥଙ୍କର ସବୁ ସେ ମହିମା

               କହୁଛି ଶୁଣ ଲୋ ସଖୀ  |

ଚନ୍ଦନ ଯାତରା ଅଟଇ ପ୍ରସିଦ୍ଧ 

               ଚଉଦ ଭୂବନେ ଆଜି

୪୨ ଦିନର ନୀତି କାନ୍ତି ଭାବେ

                ପାଳନ କରନ୍ତି ସଭେ  |

ଏକଉସି ଦିନର ବାହାର ଚନ୍ଦନ 

                ଯାତରା ସରିଲା ପରେ

 ଏକଉସି ଦିନର ଭିତର ଚନ୍ଦନ 

                ମନ୍ଦିରରେ ପାଳନ ହୁଏ |

ଜେଷ୍ଠ ମାସର ସେ ପାଳିତ ପରବ

                ମନ୍ଦିର ବେଢ଼ାରେ ହୁଏ

ରୋହିଣୀ କୁଣ୍ଡ ଯେ ସୁସଜ୍ଜିତ ହୋଇ

                ମଦନ ମୋହନଙ୍କୁ ଡାକେ |

ଏକାଦଶୀ ଦିନ ଅଷ୍ଟମୀ ତିଥିରେ

               କାର୍ଯ୍ୟ ସମ୍ପାଦନା କରନ୍ତି 

ଭୂଦେବୀ, ଶ୍ରୀଦେବୀ ମୋହନଙ୍କ ସଙ୍ଗେ

                ଏ ଜଳ କ୍ରୀଡ଼ା କରିଥାନ୍ତି |

 ରୌଦ୍ର ତାପ ନିୟନ୍ତ୍ରଣ କରିବା ପାଇଁ

                ପ୍ରଭୂ ଜଳ କ୍ରୀଡ଼ା କରିଥାନ୍ତି

ସୁବାସିତ ପୁଷ୍ପ ସୁବାସିତ ଜଳେ

               ପ୍ରଭୂ ଆନନ୍ଦରେ ବିଚରନ୍ତି |

କୃଷ୍ଣ ପକ୍ଷ ତିଥି ରବିଙ୍କର ତେଜେ

               ରବି ପ୍ରଚଣ୍ଡ ପ୍ରହାର  କରନ୍ତି

ସେଇ ଉତ୍ତ।ପରୁ ପ୍ରଭୂ ରକ୍ଷା କରି

               ଜନ ମଙ୍ଗଳ କାମନା କରନ୍ତି |

ସେଥିପାଇଁ ପରା ଏହି ଦିନଟିକୁ 

                ସବୁ ଏନେଇ ବସନ୍ତି ଚାହିଁ

ଏହି ଦିନଟିର ଜଳକ୍ରୀଡ଼ା ଏକାଦଶୀ

               ହୋଇଥାଏ ନାମ ଯେ ସେହି |

ପ୍ରସିଦ୍ଧ ପରବ ଅଟଇ ସଂସାରେ 

               ସିଏ ଜ୍ୟେଷ୍ଠ ଏକାଦଶୀ ଭଲେ

ପାପକୁ ଭସାଇ ପୁଣ୍ୟ କର୍ମ ଫଳ

               ଉଜାଡି ଦିଅନ୍ତି ପ୍ରଭୂ ସଦା କାଳେ |||