ଜଳ
ଜଳ
ବିଶ୍ୱ ନିୟନ୍ତାଙ୍କ ସୃଷ୍ଟି ସର୍ଜନାରେ
ଜଳ ଅତି ମୂଲ୍ୟବାନ
ଜଳ ବିନା ଏଠି ସର୍ବେ ଜଡ଼ତୁଲ୍ୟ
ତା' ସାଥେ ବନ୍ଧା ଜୀବନ l
ଜୀବନ ଜୀବିକା ଉତ୍ପାଦନ କାର୍ଯ୍ୟେ
ଜଳ କରେ ଉପକାର
କୃଷିକାର୍ଯ୍ୟ ଠାରୁ କଳକାରଖାନା
ସବୁଠି ତା' ଦରକାର l
ଜୀବ ଜଗତକୁ ବଞ୍ଚାଇ ରଖେ ସେ
ସାଜି ଜୀବନ ନାଟିକା
ତା' କାୟାବିସ୍ତାରେ କନ୍ଦାଇ ମାରେ ସେ
ରଚି ବନ୍ୟା ବିଭୀଷିକା l
ଜଳ ଏକା ଅଟେ ଚାଷୀଙ୍କର ସାହା
ତା' ପାଇଁ ଏ କ୍ଷେତବାଡ଼ି
ଅମୃତ ସମାନ ଜଳ ବିନା ଯାଏ
ସଭିଙ୍କର ହଂସା ଉଡ଼ି l
ଜଳ ସଂରକ୍ଷଣେ ସଦା ଦିଅ ମନ
ଜଳ ଯେ ଜୀବନ ବିନ୍ଦୁ
ସଚେତନ ହୋଇ ସର୍ବେ ଜାଣିରଖ
ଜଳ ଉପକାରୀ ବନ୍ଧୁ l