ଜୀବନ

ପତ୍ର ଝଡା ଦିଏ ଏ ଜୀବନ...!

ବଞ୍ଚିବାକୁ ଦେଖା ଏ ଯେ କେତେ ସ୍ୱପ୍ନ

ଆସେ ଯେବେ ଚିରଆନନ୍ଦର ଋତୁ...!!

ଝଡିଯାଏ ବିଷାଦ ବେଦନାର

ଶୁଷ୍କ ପତ୍ର ସବୁ....!

ପ୍ରକାଶିତ ହୁଏ ଏ ଜୀବନ ବୃକ୍ଷରେ

ନୂତନ ଆନନ୍ଦ ମିଶ୍ରିତ ଆଶାର କଅଁଳ ସବୁଜ ପତ୍ର..!!

ଜୀବନ ହୁଏ ରଙ୍ଗୀନ...!!

କିନ୍ତୁ ଏ ରଙ୍ଗୀନ ସମୟର ଅବଧି ତ କ୍ଷୀଣ....?

ଭୟ ଲାଗେ....!

ସବୁବେଳେ ଏକ ଦ୍ଵନ୍ଦ୍ୱରେ ଥାଏ..!

ଆସୁଥିବା ଋତୁ ବିଷାଦ ତ ନୁହେଁ..??

କାରଣ...

ଏ ଜୀବନ ପତ୍ର ଝଡା ଦିଏ...!

କେବେ ବିଷାଦରେ,କେବେ ପୁଣି ଆନନ୍ଦରେ...!

କିନ୍ତୁ ଏ ଜୀବନ ପତ୍ର ଝଡା ଦିଏ....!!