ଜୀବନ ଯନ୍ତ୍ରଣା

ଦୁଃଖ ବୁଝ ଆହେ କାଳିଆ ସାଆନ୍ତେ

ଶୂନ୍ୟ ଆଜି ହସ୍ତ ମୋର,

ଭିକ୍ଷା ବୃତ୍ତି କରି ଚଳୁଛି ସଂସାରେ

କିଏ ବା ଏଠି କାହାର ।

ଜୀବନ ଥାଇ ବି ଜୀବନ କି ନାହିଁ

ଲାଗୁଛି ଯେମିତି ସତେ,

କଷ୍ଟ ବେଳୁ ବେଳ ପ୍ରବଳୁ ପ୍ରବଳ

ଯନ୍ତ୍ରଣା ଲାଗୁଛି ମୋତେ ।

କେତେଦିନ ଆଉ ସହିବି ମୁଁ କଷ୍ଟ

କହିଦିଅ ମୁହଁ ଖୋଲି ,

ଶେଷ ସୋପାନରେ ଏ ଜୀବନ ମୋର

ଆଉ ନ ପାରଇ ଚାଲି।

ବୃଦ୍ଧ ବୟସ ମୋ ପାଖେଇ ଗଲାଣି

ଶେଷ ମୁହୂର୍ତ୍ତେ ମୁଁ ଆଜି,

କାଳ ଡାକୁଅଛି ହାତଠାରି ମୋତେ

ହାରିବି ଜୀବନ ବାଜି ।

◆କେ.ନିର୍ମଳ

◆ ଭଦ୍ରକ, ବାସୁଦେବପୁର(ଜଗନ୍ନାଥି)

◆ ମୋବାଇଲ:- ୯୫୬୬୧୧୩୬୦୭

◆ Gmail:- [e-mail]