ଜୀବନ ର ରଙ୍ଗ

ଇନ୍ଦ୍ରଧନୁର ସପ୍ତରଙ୍ଗ ପରି

         ଜୀବନରେ ରଙ୍ଗ ଆସେ

ପ୍ରେମର ରଙ୍ଗ ଜୀବନେ ଭରିଲେ

          ଚଉଦିଗ ଖାଲି ହସେ

ଲଜ୍ଜାର ରଙ୍ଗ ବୋଳି ହୋଇଗଲେ

          ଆଖିପତା ନଇଁ ଆସେ

ପ୍ରତୀକ୍ଷାର ରଙ୍ଗ ମନ ଆଵୋରିଲେ

          ସମୟଟା ଜମା ନ ଖସେ

ପ୍ରତାରଣା ରଙ୍ଗ ଯେବେ ଦେଖାଦିଏ

          କ୍ରୋଧାଗ୍ନିର ଜ୍ୱାଳା ଆସେ

ବେଦନାର ରଙ୍ଗେ ଭିଜିଲେ ହୃଦୟ

          ଆଖିରେ ତ ଲୁହ ଭାଷେ

ଉଛ୍ୱାସର ରଙ୍ଗ ଛୁଇଁ ଗଲେ ଥରେ

          ଆଖିରେ ଚମକ ଆସେ

ହେଲେ ବନ୍ଧୁତାର ରଙ୍ଗ,ଜୀବନେ ଆସିଲେ

          ସବୁ ରଙ୍ଗକୁ ସେ,ସାଉଁଟି ଯେ ନିଏ

ବୟସଟା ଖସେ,ସମୟଟା ହସେ,

          ଜୀବନଟା ଯାହା ସରସ ସୁନ୍ଦର ଦିଶେ...।